帶啤梨去打針啦!

又到咗一年一度的打針日,原本有諗過等榮榮放工回來先一齊戴啤梨去.但怕夜晚會更凍

,所以襯住早上有陽光便獨自帶了啤梨出去.
出門口前,我怕佢會抓人,所以幫佢剪咗指甲先.
同佢剪指甲,真係激烈搏鬥.佢會變得勁惡,不顧一切要逃走.最終受傷一定是我(今次算少傷了)
但都算剪到哂d指甲,但腳甲就剪唔到la.
我的傷痕

而啤梨由細到大,每次剪完指甲,佢都會找個指甲鉗報仇(好彩唔係搵我)佢會又咬又踢
我想攞番都唔得ga,等佢發洩完先得

又咬

又踢

係我同啤梨搏鬥期間,我見到豆豆喱埋係電視機後邊裝裝下.望咗好耐
個樣好似驚我等陣都會對付佢咁.

最後要出門口了,又要辛苦地捉啤梨入籠.
出門口和搭小巴時都叫得勁大聲,個個都望住我.....

去到獸醫度,要等半小時左右,初初啤梨都好乖咁坐係籠入面,我仲可以開咗個籠摸佢都冇問題
點知差不多到啤梨時,突然有四隻狗狗入黎睇醫生,有隻鬆獅bb仲坐係我隔離
嚇到啤梨即刻"胡胡"聲
入到去見醫生,仲"ha" 添

,嚇到個醫生都縮咗一下.
後來我用手包住佢個頭便好些
打針時咁痛痛,但啤梨都好叻冇叫.只係縮咗一下.
最後磅重,有2.7kg,姑娘話比上年重了.但係佢比較細隻
冇法la,人手餵大,營養差少少

下年又要再黎過la,盛惠150元