今天發生的事,有激氣.有傷心
相信每間學校都會替學生訂報紙,而我亦負責呢項工作
每朝早校工叔叔會替我把報紙夾好,然後放在枱面,也有一張表格,列明每班每天要取那份報紙
同學自行取報紙後,需要在表格上簽名
事情就發生在這裡,就係因為佢地可以自行取閱,往往有些沒有訂閱又勁自私的同學便亂取
可能看後周圍放,求其夾番放係原位或拎走(這裡說的,多是中五六七的學生,因為他們有空堂)
大家想不到吧! 我覺得越大個的反而越衰
(自己想一想,如果你們俾了錢,你也希望要一份完整和新的報紙吧)
我一望,發現真係成叠冇咗,但第一二堂時明明見到有喎! (係廿幾三十份咁大叠)
但我已經追究唔到....同學說他們付了錢卻常取不到報紙,覺得很不值.
這我也明白,但講緊係百幾二百份報紙喎! 我也不知道可以放在那裡不讓人亂取
我唯有告訴他我會盡想方法
校工叔叔也說我應睇住D報紙不應該讓他們亂取,因為他們有些沒有訂
但我不知道他們誰有訂誰沒有訂!(全校千多個學生,我會認得哂嗎!)
而且我也有自己的工作在身,我不是回來開報攤的
又要睇住佢地有冇偷書,有冇拎野食入來,仲有其他違規事項....我可不是有十隻眼睛的,
定係要開個夾萬俾佢地???
其實如果佢地懂得自律,根本就不會發生呢D問題
(講得衰D,個個都好似賊咁)
不過,很快便收了聲.決定執清在自己位置旁邊的柜及腳下的東西(雖然這裡裝著的都是方便我用的)
但沒法子.另願自己不太方便.也不要讓人認為我錯
然後把所有報紙搬入柜位,以後他們取報紙也得靠我取
(雖然在繁忙時間我會更分身不暇)
卻想不到我還未說完整件事
他便說: 那你就應該放好佢啦!!這是你負責的ma
我說: 吓! 講緊係幾百份報紙喎! (你估係鑽石介指咩!)
他便 : 唉......
接著,我的淚水便湧出來了.忍不住.收了他線
今天已經俾人話咗幾次了,點解連你都話我.....
整天的情緒都好像不在狀態,雖然在學生面前強忍沒有留淚,但原來他們也是感受得到的
唉~~~~而家時下年青人就是這樣 都唔激氣得咁多..... 算吧!!! 原諒他們無知
回覆刪除唉! 你d工作量又真係幾大wor! 連報紙都要理, 個校工有時間話你, 不如叫佢看住d報紙啦! 最衰都係d唔守紀律既學生, 咁同偷野有乜分別wor! 激怒ar!
回覆刪除算啦.......有冇試過貼張告示出來嚇下學生呀??
回覆刪除我冇訓著喎... 其實榮榮未必知道你既感受, 可能未試過啦. 唔好嬲佢啦~~~
回覆刪除其實人o既自律性真係好低, 我細個以為大人會好自律, 好會管束自己, 原來 睇您呢個case, 真係唯有收埋d報紙...不過我記得我細個過陣唔係咁ka...係一早班住任會分發報紙俾d訂咗o既同學...不過我讀間band5學校, 好少同學會訂報紙...
回覆刪除唔好唔開心啦~ 我明白你覺得好委屈, 但激氣都無用啦! 怪都怪依家好多細路都係咁樣... 真係唯人自己麻煩D好過俾人賴你啦!
回覆刪除卡文: 真的很難原諒呢!!你知道他們都是高年級的學生啊! JurassicTim : 工作量都ok 啦!因為我間學校超多活動,有些不是圖書館的工作,也要做啊! pearl : 貼告士是冇用的,因為他們全都發雞盲! 鬼爆仔 : 經過今次,我想學校的事還是少和他說好了 Stweetcat : 我學校都係以前的band 5,只是迫了中一至中四同學訂報紙罷了 貓豬腦兔 : 都唔明而家d細路,完全諗唔到佢地係度做咩!係家長還是學校的責任?
回覆刪除咁又唔好唔講佢知. 都要俾佢知道下你唔開心先得既. bobo有時都會打俾我話佢係公司唔開心. 但我最多 講好聽d既說話"乙水" 佢開心就算. 因為根本幫唔到佢d乜野.
回覆刪除hahaha...要迫訂報紙...份報紙返到home可能都只係墊煲底
回覆刪除我認為佢地非常自私,拎走就算啦,仲要整亂哂。
回覆刪除無公德心之餘,仲無自律性。
乖~唔好唔開心~lee d 真係靠佢地自律~報紙都偷...= =真係好鬼自私.. 我黎左美國睇戲都係啦..買一張飛入去...佢o向門口cut飛的~入左去佢就唔理你了~你可以行哂噤多間房睇哂d戲架~但係我同我d frd都冇~因為我地只係比錢買左睇一場戲~so~完全係自律既問題~!
回覆刪除我以前f1-f5都有訂報紙的.而我亦係全班唯一一個訂報紙既人.我地學校係起小息時,班長負責去校務處o醫療室攞的.都無話俾人攞左呢個問題既.班長都無乜野做既,做埋呢樣都應付得到啦! 我都做過班長.hehe
回覆刪除裝個眼仔, 望實班死仔
回覆刪除我屋內亦常有這情形,看得多了.願 "主" 願諒他‧阿門
回覆刪除