延續沙巴之旅系列.2~~~ 咖央醬
係富源食咗兩次咖央包. 老公愛上呢個醬.
番黎係咁叫我整俾佢食.
整醬呢日都有煮飯. 一放底個飯碗就話要食包包.......
不過煮完之後再上網睇番. 原來個焦糖係唔駛煮到深啡色ge . 淺啡色都ok ga la
煮完焦糖. 我一倒d 椰汁下去. 即刻聞到好香. 好似甄尖記椰子糖d 味呀 !!
同沙巴食的有點點不同. 可能就係個糖煮得焦咗d .但都好好味
呢個份量. 我整到相入面的樽有4-5樽咁多
我減咗50g 糖. 食落都唔係好甜咋喎 ! 不過我就唔算煮到好杰
材料
椰漿300 毫升
砂糖500 克
雞蛋5 隻
斑蘭葉5 片
水250 毫升
步驟
1 斑蘭葉加入水,以攪拌機打成汁,隔渣備用。
2 燒熱平底鑊,中火下砂糖,攪拌並煮成焦糖。加入椰汁,攪拌至混合。
3 將盛著步驟2 混合物的平底鑊放入沸水中,以隔水方式,下斑蘭葉汁繼續攪拌。
4 雞蛋約分3 次加入,加入後需快手攪拌至勻,以免起粒。
5 隔水煮約1 小時,過程中不時攪拌,以免糖分燒焦,並以湯匙舀去氣泡。
6 濃縮成醬後,待涼,冷藏約一小時即成。
tips :
1 鮮製咖央醬不耐放,以真空罐雪藏較佳,可放上一個月,甚至以真空袋包裝成數小袋儲存。
2 若還是喜歡綠色咖央,可下綠色食用色素。
咖央醬要做得細滑,攪拌時火候要控制在中溫,若不夠熱,咖央醬就不夠厚;太熱的話,一下雞蛋就會起粒,解決方法是用筲箕隔濾,隔去粗粒。
沒有留言:
張貼留言