星期六發現咗係圖書館樓上的天台有個蜂巢. 痴線GA!!
咩事呢!!前兩年就有雀巢.幾經辛苦.終於令隻大雀搬走個巢.不再回來生蛋
點知居然黎咗D 仲核突GE.
而且還要係黃蜂.....俾佢針一野.真係變豬頭啊!!
究竟係咪我呢度風水好呀!!個個都係度建安樂窩. 又唔見我發下達嘅??
佢地都唔知住咗幾耐.因為個蜂巢都幾大吓!
先來遠觀
再來近望
跟住呢張被我放大咗 .特登嚇你地嘅!!! 胆小者勿看
(標題都寫咗PG家長指引ga 啦!! 唔好話我變態)
好核突呀!!!
睇得勁清楚呢!! 學校已經call 咗食環署. 唔知幾時會攪點呢
不過我上網search 過, 話佢地嘅生命周期只係一年度ga 咋.
蜂后一死.成個巢就完結. 唔知幾時係開始.幾時係完結呢??
好開心.今日有人領養咗佢地啦!!
原本個女仔都係諗住領養一隻的.但望著牠們兩個在一起.真係唔捨得分開佢地!!所以最後決定要哂兩隻. 咁兩姊妹可以一齊返屋企了
YOYO: 得閒放佢地D 相上Blog.我會去探佢地ga
呢D 係星期日幫佢地影的相.POST埋出黎先.佢地都大隻咗好多
仲識得爬上梳化添!!
我識分佢地兩個了
先post 我阿婆話勁刷得呢隻 (所以佢都真係肥d ga)
做咩影我相??
係影就唔該影靚d 
我都係唔影la .你影得咁慢!!
跟住就到奀dd那隻.雖然佢個樣冇咁靚仔.但佢就超精靈同貪玩
楚楚可憐咁
嘩!! 自由啦!! (出籠)
跟住喱埋係廁所
當然都post吓佢地兩姊妹一齊d 相. 勁爛玩
玩到飛起
仲有段短片ga. 佢地邊玩邊叫. 好嘈呢!!
又有好朋友生日啦!!
趙生.唔經唔覺都識咗你咁多年啦!!
好像每一年我們都有替大家慶祝生日呢!!
(不過我記得有一年你唔記得咗.雖然有補祝.但女人還是記仇的.haha)
點都好. 祝你生日快樂. 身體健康.
雖然昨晚和你食飯.你好像有點不舒服. 希望你快d 好la
等你好番d .我地再食過.
為你獻上
榛子薄脆朱古力蛋糕
今個月要做七個蛋糕.這個是最後一個了.yeah!!
呢個蛋糕都頗為麻煩.可能我平時慣咗整d 簡單野
個蛋糕分咗三層.個底係杏仁蛋糕底.中間夾住榛子薄脆餡.最面便是朱古力慕絲
原本想學人整朱古力圍邊.但可能仲未好識調溫呢家野. d 朱古力等咗好耐都唔乾
好彩我有自知之命.一早買定d裝飾..唯有就咁圍住佢.個樣俾我想像中冇咁靚
希望下次可以整得靚d (我d裝飾技術真係馬馬)
不過送俾你時.個蛋糕抵擋不住兩個鐘的車程.已經有點崩塌了.希望你不介意吧!!
話說 上次打邊爐時. 有兩個舊同事(分別係Elaine 同Joyce) 佢地都係10月份生日ga ,雖然已經過咗
不過我咁有心. 當然補番個蛋糕俾佢地啦!!
平時d蛋糕都會一齊食的.但今次都係送俾佢地拎番去同屋企人分享.
因為打邊爐已經好飽la .haha
呢個伯爵茶蛋糕.整的時候就聞到幾香
但Elaine就話食落口有芝士味.但吃不出茶味喎!! (唔知係咪d 茶葉浸得唔夠耐呢!! )
不過佢都話係好好味.hehe
Elaine: 因為知你朝朝都飲奶茶.所以特地整呢個味俾你ga
同時送俾Joyce 的.係個個都話好味的焗藍莓芝士蛋糕
希望妳都鍾意
伯爵紅茶芝士蛋糕 食譜
《戀上芝士蛋糕》
材料 :
餅底 :
茶餅 100g
牛油 50g
1.先將餅乾輾成餅碎 (也可買現成的餅碎) ; 熱溶牛油, 將餅乾放入牛油中拌勻; 把餅乾混合物壓在餅模底上
餡料 :
伯爵紅茶茶葉 2湯匙
熱牛奶 半杯
忌廉芝士 500g
糖 125g
雞蛋 2隻
雲喱拿香油 半茶匙
做法 :
1. 預備好茶餅底
2. 將茶葉放入牛奶中浸泡30分鐘,然後隔去茶葉
3. 忌廉芝士與糖打至軟滑
4. 拌入奶茶攪勻.
5. 加入雞蛋和雲喱拿香油打至軟滑.
6. 把混合物倒在餅底上, 放入己注水的焗盤上以160C 焗1小時
7. 待涼, 冷凍後即可食用
Alice 今日大哂!! 因為她生日啊 !
(好彩今日見你唔到.haha)
昨天就已經替她慶祝了生日. 食飯遲d 先講. 先睇吓我整俾佢的蛋糕!!
今次整咗個鈣思寶芝士蛋糕, 其實原本係黑豆漿芝士蛋糕
但係我買唔到黑豆漿呀!! 跟住見到鈣思寶出咗黑芝麻味.我想應該差不多卦 !!
就買來試下啦!!
食落口都食到有芝麻味ga. 平時d 芝士蛋糕. 芝士味多數都蓋過了原本味道
《戀上芝士蛋糕》 應該係8吋份量 (如果整六吋跟呢個份量的2/3就ok了)
材料:
餅底 :
茶餅 100g
牛油 50g
1.先將餅乾輾成餅碎 (也可買現成的餅碎) ; 熱溶牛油, 將餅乾放入牛油中拌勻; 把餅乾混合物壓在餅模底上
餡料 :
魚膠片 10g
無糖黑豆漿 1杯
忌廉芝士 250g
糖 100g
鮮忌廉(己打起) 1杯
做法 :
1. 預備一個餅底
2. 將魚膠片放入熱的黑豆漿中溶化,備用.
3. 將忌廉芝士和糖打至軟滑
4. 慢慢攪入黑豆漿至軟滑.
5. 慢慢將鮮忌廉拌入芝士混合物中.
6. 把混合物舀到茶餅餅底上,冷凍1-2小時至凝固. 即成
我們正經的合照
跟住變身
嘩哈哈!! 今次影得個個都好靚女!!
係咪因為我地適合呢d造型.
今日我學校攪咗個萬聖節便服日籌款
等我都應吓節出埋篇blog 先
其實已經係上星期五 (重陽節) 同小魚仔去創意西點教室度學的
入面個蛋糕唔難整.但個造型真係要好有心機
可惜我冇咩呢一方面的天份.整到第三個已經唔知整咩好
連同事sybel 都睇得出我邊隻係第一個整. 邊隻係最後 (因為最冇心機)
順序123
個面係朱古力膠. 其實就好似搓泥膠咁.但食落去又冇杏仁糕咁甜
整體黎講都好玩ge .叫做學多樣野
至於味道係點?? 個蛋糕都ok 的.因為我在堂上有偷食
但包好之後.我就沒有食了. 榮榮吃了一個說很硬
剩下的只係放了係屋企裝飾一星期.最後當然係扔咗去垃圾筒啦!!
但送俾人的話.真係幾鬼靚ga!!
