做咩要下火順氣 .唔係順自己.係順番男友啫!!
話說一年多前捷家伴出咗部甜至尊糖水機
當時的我勁恨要. 成日見到都好似發青光咁.咁啱有日係元朗有推廣見到話會回贈300蚊. 原價$1200. 回贈後就$900. 係呢個情況下. 榮榮送咗呢部機俾我
不過係呢一年裡邊.我用得部機最多就係整豆漿.我諗有整過五次卦
點知有一日榮榮突然對住張月結單話就黎可以供完.
我問: 供咩呀!!
榮榮: 你部糖水機law !!!
我即刻滴哂汗呀!!!
咁自己又係衰ge. 部機成千蚊. 當時死恨爛恨話要. 要咗又冇整.
俾錢的當然勞氣la.
咁啱前幾日同佢去完南丫島買咗包海帶. 即刻話用部機黎整綠豆沙
等佢下火順番條氣先
加上 上星期整完老婆餅.剩番好多糖冬瓜.我咪又扔d 落去煲 (我有切粒)
不過都係唔夠甜. 最後要加番兩舊冰糖落去
黎一碗下下火先 (我呢排都有d 牙肉痛. 應該食番碗都有d用卦)
賣海帶那個人教我可切片或切絲來煲糖水.我咪懶有心機咁切絲囉!!.點知煲完出黎d海帶唔見哂呀!!
俾部機攪碎哂......不過是但啦!! 今次都煲得幾好味
下星期再試下煲紅豆沙先
好似幾好幾方便甘wor!!
回覆刪除[版主回覆10/17/2007 00:18:00]都方便ge .但其實唔係咁值.
好好味....早點瞓無咁上火!
回覆刪除haha^^ ~依家計數的話,妳碗海帶綠豆沙成本都仲要佰幾蚊~
回覆刪除煲得好靚wor~ 下晒氣la!
回覆刪除I like eat ~~ 唔該一碗吖。
回覆刪除個糖水煲得好正喎! 我得部捷家伴豆漿機，佢可以整埋花生糊，杏仁糊，但就煲唔到綠豆沙，平時我都係用煲嚟煲綠豆沙呢，仲加埋少少臭草落去，如果鍾意臭草陣味，會覺得香 DD 呢
回覆刪除哈哈哈~仲有就係，我都係好興買埋 D 乜機物機之後，放埋一邊冇用呢，昨日我換咗個麵包機番嚟，希望可以玩得耐 D 啦~ 哈哈哈.....
[版主回覆10/18/2007 10:18:00]麵包機係咪可以只係幫手搓粉.因為我覺得呢一part 好累.
係咪落d 咩同埋份量個煲度有寫架??
回覆刪除[版主回覆10/18/2007 13:51:00]有教落豆同水份量.但冇教落糖要落幾多. 但我今次係跟了另一個食譜的份量
碧碧講得岩.... 真係好好味!!! 哈哈 我有份飲架!!!! 不過你唔好唔記得仲爭我一碗"芝麻糊"
回覆刪除