生日番茄宴~湯篇~洋蔥番茄湯 (附食譜)

一早計劃好請完榮榮食buffet .正日就親自下廚. 因為榮榮超愛吃番茄

. 所以諗住整過番茄宴

佢嘆吓

而前兩天所話破的紀錄.其實係話食飯時間

 (並唔起體重新高......

)

因為同一日又整蛋糕,又煮飯. 加上我又手腳慢. 由平時的8:30 破紀錄去到10:00先有得食 . 超餓!

好彩d 野都好好味. 榮榮話不"旺"等咗我咁耐.....

呢個

洋蔥番茄湯.真係好好味ga. 連我對番茄一般的. 都覺得正正正!!!
不過評語係一定要熱飲

《鮮味番茄cook 得起》 (特地為榮榮買的

)

4人份量

材料:
番茄                  350g (去皮,切粒) (預兩個左右)
煙肉                    80g (切粒)  (3-4塊)
橄欖油              1.5湯匙 (我用普通芥花籽油咋)
牛油                  1湯匙
洋蔥                  650g (切絲) (2個左右)
糖                      2茶匙
清雞湯              1200ml
紫蘇葉              4片 (切碎) (我冇落呀!!都唔知係邊買?)

調味料:
鹽                       適量
黑胡椒               適量

做法:
1.燒熱油,炒香煙肉粒至出油,盛起,瀝油
2.另起鑊,再下橄欖油及牛油煮至溶, 再下洋蔥絲及糖炒勻,煮約20分鐘,其間要不斷兜炒.
3.下番茄粒、清雞湯、紫蘇葉及調味煮至滾,轉慢火再煲30分鐘,熄火,撒上煙肉碎,即成.

Tips:
炒煙肉時,先以大火炒,再轉中火,可以迫出煙肉的油分,而不會令煙肉過黑