椰菜卷 (附食譜)

好耐之前煮的飯.今日終於排隊排到佢出場

今次煮飯煮得好急呀!!

因為榮榮要趕住返工. 原本諗住整三碟餸ga

但整完兩碟已經用咗好多時間了. 驚再煮埋的話榮榮冇時間食飯添呀!!

明明前一晚已經準備好一些材料.為何今天還是會這麼慢.......

呢個椰菜卷

清清地幾好味!! 不過搣開個椰菜後.其實都冇幾多塊葉夠大包到d 餡.有d 我都係求其包.唔夠就找另一塊菜葉包住.係咪我搣得有問題.定係隻菜係咁???

食咗兩舊先記得影相

《家常便飯cook得起》                          4人份

材料:
椰菜                         半個
免治豬肉                 150g
冬菇                         3隻 (切粒)
洋蔥                         1/4個 (切粒)

調味料:
豉油                         1茶匙
糖                             半茶匙
生粉                         1/4茶匙

做法:
1. 先將椰菜去莖部, 將椰菜葉撕出, 以滾水灼軟, 盛起, 瀝水, 備用
2. 免治豬肉, 冬菇粒及洋蔥 粒用詰味料一同拌勻
3. 將適量免治豬肉餡料放於菜葉中, 包好後, 放於碟上, 隔水加蓋蒸8分鐘, 取出, 淋 上適量豉油,即成