21/5 第四堂 : 南瓜包, 紐紋杏仁條, 忌廉吉士包
除咗南瓜包外. 另外兩款都用了同一樣的吉士醬. 超大奶味. 唔啱我食
所以全部俾哂榮榮
呢個咁大的麵糰是我搓的. 分別做成吉士忌廉包和杏仁條
發酵後好似pat pat . 勁想畫條T-back 俾佢
杏仁條好大工程. 又摺又推又要搽醬. 變到好大塊
呢個工具好似好好玩咁. 可以同一時間"界" 開幾條
之後再分開幾折. 扭一扭. 鋪上杏仁.就入得爐了
出爐個樣唔算好靚. 搣了少少來吃. 但就勁鬆軟
另外的忌廉吉士包, 就要先煮好個醬. 再包餡
外型沒什麼特別. 和上次的吞拿魚包一樣
但我見另一位blog 友的包包會有另一些做型. 好可愛的 (南瓜包是南瓜型狀啊)
南瓜包. sweetcat 搓. 搓的時候好香南瓜味. 不過食的時候就不覺得了
阿sir 話南瓜多纖維. 所以呢個包是有難度的
又是方包做型, 呢個包成為第二日的早餐
我們三個做的包包合照
呢堂講咗話可以優先報讀中班.
但我想自己應該不會再報了. 因為我都只係想整些軟身包包. 得閒做下早餐咁
我想上完呢十堂. 一般的應該都ok
唯有靠自己跟書整. 再多多練習吧!
試多d可能會發明新口味呢!
回覆刪除[版主回覆05/27/2008 09:28:00]我個人好保守ga .只係識得跟食譜整
再整多o的新花款呀... 好好味呀....
回覆刪除正丫！ 加個雜菜湯就係個健康午餐勒！
回覆刪除[版主回覆05/27/2008 09:27:00]食咁少就飽ga la
啲包包發酵到好逼喎!
回覆刪除[版主回覆05/27/2008 09:27:00]次次都迫到死ga
分半個比我都好啦~~(流口水中)
回覆刪除嘩...好多個PAT PAT呀...真係幾似...
回覆刪除上左10堂都學到好多不同的包包囉
回覆刪除[版主回覆05/27/2008 14:42:00]嗯. 所以應該唔學中班住了
我都唔記得o左中班呢回事tim~ 如果您唔報, 我都唔報lu... 個個week整一次, 我覺得密o左少少...如果可以好似e媽咁一個月一次會好d lor~
回覆刪除[版主回覆05/27/2008 23:17:00]又會拉埋姨媽一齊講......
你仲整得少過我 .其實學初給都夠整平時的早餐了
所以暫時都應該唔再學住la.
加上呢個sir 都是一般. 但最就腳又係觀塘喎...
嘩~ 杏仁條真係好大工程窩~ 都係咪搞我...出去買黎食好D~ haha
回覆刪除[版主回覆05/28/2008 09:03:00]如果係整酥皮那些杏仁條, 我都唔介意整ge
因為新鮮出爐真係好好味