焗雲石芝士蛋糕

這個蛋糕是上星期整俾兩兄弟的生日蛋糕

(好像是17號晚整吧!! 實在隔得太耐了)

因為我媽咪都會食.所以一定要整焗的餅

, 凍餅的話媽咪成日覺得有生雞蛋.唔衛生!!!所以唔食ga

而呢個焗雲石芝士蛋糕.小魚仔以前請過我食.我覺得實在好好味!! 所以決定整番呢個

但係當我做到朱古力做雲石紋部份的時候.因為我睇唔明食譜. 但那時又已經夜晚十一點幾了.我又怕佢訓咗覺
唯有問致電

另一位高手朋友

可能大家的食譜不一樣. 她教我把朱古力漿倒去少少芝士漿後再混合畫紋. 但我卻把這少少變成差不多三份一的芝士漿.所以蛋糕變得很扁.而朱古力的芝士漿卻又剩番很多.....當然我不會浪費的.把它放進了一個鬆餅杯度.
(而原來的食譜卻是只把朱古力漿直接畫紋,不用溝的)

睇下個鬆餅杯都滿哂.就知我那少少是幾咁多!!

由於朱古力都去哂另一堆芝士漿度,所以個蛋糕朱古力味較少. 但都好好味
(我媽咪都讚.平時佢好少讚我d 蛋糕ga)

而個鬆餅朱古力芝士蛋糕.卻是錯有錯著.
給男友試味. 係佢食完第一啖之後. 佢個樣呆咗.而後大叫好好味!!
因為有很濃的朱古力味. hehe. (我同佢都好鍾意朱古力ga)
我下次可以把份量改一改. 變成另一款美味的朱古力芝士餅了!!