法國朱古力慕絲蛋糕 (附食譜)

Carmen 生日當然要整蛋糕la

呢個蛋糕有雙重意義ga .因為上次用素魚膠粉整朱古力芝士蛋糕時失敗咗.我地唯有再諗過另一款唔駛魚膠的蛋糕.

跟住係《蛋糕話咁易》呢本書度有一個法國朱古力慕絲蛋糕係唔駛下魚膠ga .
咁我當然要先實習一次.才敢和carmen 一齊整.撞啱佢又生日.咪順便試埋味.所以呢個蛋糕其實係試驗品黎!!

壽星女指明要灑麵包超人公仔.
但唔知呢個蛋糕係咪因為下了好多朱古力.所以比較黏.個蛋糕就痴住咗個麵包超人模

當我拎番起個糖霜模的時候.個麵包超人個邊就縐埋咗.變到 好似d 人老咗 .面部鬆馳咁呀!!

同埋我用糖霜筆寫字.可能己經夜晚一點幾.我好眼訓了. 冇好好度清楚個位
寫咗happy 就發現原來冇位寫birthday .

所以咪變咗就咁 Carmen Happy 囉!!

個蛋糕唔算完美.希望carmen你都鍾意啦!!

不過.個蛋糕真係勁濃朱古味呀

!!

好正!!
不過一d 唔係太好朱古力或食得甜的同事就認為甜咗少少. 而我呢d 朱古力迷就覺得啱啱好!!正!!

始終個個口味不同呢!!

同壽星女的合照.
叫個主任幫手拎相機.佢居然影咗我地d 腳. (單起隻腳那位係我呢ga)
不過又影得d 腳幾靚喎!! 哈哈哈

 

《蛋糕話咁易》     6吋

材料:
黑朱古力                      120g
蛋黃                              24g
淡忌廉                          140g
全蛋                              22g
冧酒                              適量
糖                                  30g
朱古力海綿蛋糕          2片

做法:
1.將糖加少許水煮沸
2.以電動打蛋器將蛋黃及全蛋打起,加入糖水打至奶白色
3.加入己座水溶的黑朱古力,以膠刮攪勻至呈啡色後,再加入酒攪勻
4.加入己打至軟身的淡忌廉,以膠刮攪勻至完全沒有忌廉粒的朱古力慕絲
5.在凍餅圈底部包好保鮮紙,放一片朱古力海綿蛋糕片,倒入朱古力慕絲,鋪上另一片朱古力蛋糕,再倒入剩下的朱古力慕絲,抺平.
6.在桌上輕敲兩敲,放在雪柜3-4小時後,取出加上裝飾便可