有時煮飯. 找一樣餸係焗的.真係會快d .不過多數都係焗雞翼多.....hehe
我好多時都會咁做.因為我已經煮得好慢啦!! 又論鬼盡.點可以同一時間顧到兩個爐頭呢??今次呢個係橙香芥辣雞翼. 但因為買餸時已經好重la. 所以就未買橙. 諗住榮榮放工回來幫我買la.點知又唔記得咗. 攪多兩攪. 就差不多要入爐先買到個橙番黎榨橙汁.
(雖然我有諗過用普通鮮橙汁代替.但唔抵呀ma)但食落口其實橙汁味同芥辣味都唔突出. 但個味道就ok . 嗒嗒下都覺得有少少芥辣味
今次d 雞翼比較細隻呢!!
橙香芥辣雞翼
材料:
雞中翼 300g
醃料:
生抽 1湯匙
鹽 半茶匙
胡椒粉 少許
蜂蜜 2湯匙
英式芥辣 3湯匙 (我落咗2湯匙咋.唔知係咪咁所以唔夠味呢??但得10隻雞翼咋喎!!)
鮮橙汁 100毫升 (半個橙左右la)
做法:
1.雞翼洗淨,瀝水,加入醃料醃15分鐘
2.預熱180C焗爐,焗盤上放上雞翼 (我鋪咗鍚紙,咁就唔駛洗得咁辛苦啦! ),
將雞翼每面焗約8分鐘至金黃熟透,上碟。(我冇返轉d 雞翼. 我係一次過焗咗20分鐘)
tips:
英式芥辣可隨意增減,雞翼若能醃過夜會更入味。
HAHA~你近來好似煮了好多飯仔,好好味呀,我都好想食呢種雞翼,正!唔知有冇機會呢!講真架!
回覆刪除我都比較鍾意食細隻d0既雞翼..一黎易入味...二黎食得更方便
回覆刪除唔知轉整雞脾得唔得呢?
回覆刪除好好咪咁 .
回覆刪除幫幫千面貓 http://hk.myblog.yahoo.com/missbethwong/article?mid=3218&prev=-1&next=3187
呢排咁開心密左煮飯食喎!!呵呵! 廚藝一定進步不少呢! 加油!
回覆刪除好有創意呢
回覆刪除雞翼正呀...又易整
回覆刪除