泰式辣椒蝦 (附食譜)

星期日呢晚襯住開學前煮多次飯先

呵呵!! 呢晚加餸呢!! 所以我又整耐咗.又係8:30先開飯

呢個泰式辣椒蝦原本人地個食譜係用8隻大蝦ga.不過我呢d 草根人.邊有錢買大蝦唧.咪買一斤蝦代替law.
十八蚊一斤咋!! 幾抵呀!

不過唔知點解. D 蝦煮完出來個殼有D 難搣. 有少少似咗軟軟地痴住咁.
但我D 蝦係新鮮GA .一番屋企就即扔落冰箱雪暈佢

有冇人話我知係咩原因呢?

幾好味ga .酸酸甜甜.不過都係唔鍾意一路食飯一路搣蝦.攪到隻手污糟哂

大蚊: 呢個食譜有用泰式辣椒醬呀!! 你可以用快d 支醬了

《家常宴客cook得起》 4人份

材料:
大蝦                     8隻 (我用咗一斤普通蝦)
泰式辣椒醬        2湯匙(因為多咗蝦,所以都用多咗醬,我諗我倒多咗一湯匙左右卦)
薑                         4片
蒜茸                     2湯匙
油                         3湯匙
蔥                         1棵 (切段) (我冇落呀! 因為賣菜個阿姐冇俾我)
雞蛋                     1隻 (拂勻)

調味料：
雞粉                     1茶匙
糖                         1湯匙
白酒                     2茶匙 (我又冇落. 因為怕會著火.haha)
水                          少許

做法:
1.先下油燒熱平底鑊，爆香蒜茸、薑片後，加入泰式辣椒醬拌炒。
2.將大蝦剪去蝦鬚，洗淨，抺乾，放入平底鑊內與泰式辣椒醬拌勻。
3.加入調味料拌勻後，下蔥段，以慢火加蓋焗10秒，離火，加入蛋液拌勻，上碟即成