萬聖節鬼眼蛋糕

26/10 去咗港燈家政中心學呢個蛋糕

這個是我的作品. 都有點驚嚇吧 ! HAHA. 有八隻眼睛望著你

個蛋糕底係牛油蛋糕 黎. 加上朱古力粒和果仁. 好好咬

焗好後. 蛋糕面塗上芝麻醬. 有呢隻啫啫樽又幾方便喎! 唔駛抆出黎

跟住就係裝飾啦 !
所謂鬼眼. 其實就是荔枝. 橄欖和色素. HAHA

這是老師的作品. 圍咗條絲帶. 成個蛋糕即刻高級咗 !!!

呢個係和我同行一齊去的MISS. 她的作品.
佢玩完都話

南瓜芝士蛋糕

十月份圖書館管理員生日會

今次整咗南瓜. 第一次用佢黎整蛋糕. 因為平時都懶. 唔想又蒸又壓先完成一份材料

d 南瓜茸我偷食過. 幾好味

但整咗去蛋糕.(因為有奶我唔食)  d 細路話一d 都食唔出. 有d 仲話唔夠甜. 可以甜d

唔通因為我用中國南瓜. 所以唔夠味 ??

《甜蜜蛋糕話咁易》  6吋

餅底 :

消化餅碎　　　　　80g
溶牛油                   38g

南瓜芝士漿 :

淡忌廉                90g
忌廉芝士            110g
砂糖                   30g
鮮奶                   50g
南瓜茸               130g
魚膠粉               6g
凍水                  30g

餅面 :
魚膠粉               5g

凍水                  25g
砂糖                  25g
鮮奶                  40g
南瓜茸               50g

做法 :

1. 把 餅碎和牛油溶液混合. 鋪在模上壓成餅底
2. 淡忌廉打至軟身
3. 忌廉芝士打軟後, 加入砂糖, 至完全混合
4. 分次加入鮮奶, 逐次打入, 打至混合留紋
5. 加入南瓜茸, 用電動打旦器打至混合.
6. 用膠刮拌勻
7. 加入魚膠溶液
8. 加入己打起的淡忌廉, 用膠刮拌勻成南瓜芝士漿
9. 取出餅底, 倒入南瓜芝士漿, 往桌面輕敲. 放進雪柜冷藏至硬
10. 餅面. 魚膠液加入砂糖及鮮奶拌勻後, 加入南瓜茸拌勻.
11. 倒在餅面上 ,放進雪柜冷藏至硬, 取出移去餅圈. 加裝飾即可
10

沙嗲豬頸肉串燒

其實個串燒沒什麼特別. 都係肉呀. 菠蘿.番茄咁

好味的係醬汁. 呢個醬汁幾好味

下次再燒其他野. 都可以用呢個醬. 或者bbq 都可以整d 去. hehe

材料 :
豬頸肉       6兩
菠蘿粒       半杯
青瓜粒       半杯
蕃茄粒       半杯

醃料

生抽        1茶匙
蠔油        1茶匙
魚露        1茶匙
糖           2茶匙

芡汁 :
沙嗲醬     1湯匙
生抽        1茶匙
清水        2湯匙
栗粉        2茶匙
椰汁        1/4杯
糖           2茶匙

做法 :
1. 豬頸肉洗淨, 切薄片, 並加入醃料醃約20分鐘
2. 預備竹簽, 然後逐一將豬頸肉片串好, 並放入焗爐焗約15-20分鐘
3. 燒熱鑊, 下芡汁兜勻, 最後淋於豬頸肉串燒上. 吃時伴以菠蘿粒, 青瓜粒及番茄粒

咖喱大蝦

原本呢晚我係想煮咖喱蟹ge. 但係前一晚我媽給了我兩隻奄仔蟹

咁冇理由連續兩晚都吃啦.

所以買咗大蝦. 都要百幾蚊斤ga呢d .我就買咗半斤

但係今次煮得馬馬地. 唔係好夠味. 又唔係好夠汁.

點解會咁ge呢 ?

下次要再試下第二個食譜先

同一晚係泰國主題. 所以仲有蝦醬通菜.

同生蝦. 生蝦係係吉之島買的. 但我唔係好識得調點蝦個汁

仲有一碟串燒. 明天post

材料：蟹2隻、雞蛋2隻、紅辣椒1隻、洋蔥1個、

　　　蒜茸1茶匙半

汁料：咖喱粉半湯匙或咖喱醬1湯匙、辣椒油1茶匙(分成兩半)、淡奶3湯匙、糖半湯匙、魚露1湯匙、水半杯、生粉水少許

 

做法：

1.雞蛋2隻、辣椒油半茶匙、淡奶3湯匙、魚露半湯匙拌勻備用。

2.蟹洗淨切好，撲上少許生粉。

3.燒油3湯匙，放蟹件略煎後加入洋蔥絲、辣椒、蔥、咖喱粉或咖喱醬及魚露兜勻，加入水煮片刻。

4.以少許生粉水埋芡，隨即加入已拌勻蛋液快手兜勻，上碟時將餘下辣椒油淋上面。

低溫彩瓷繪

mi club 會員活動 . 今次係尖沙咀半島中心一間鋪頭學

我開頭以為係自己用手搓陶瓷. 原來只係係瓷器上面畫畫

不過都唔好睇得咁易. 因為瓷器跟本唔上色.

如果用畫筆畫係有難度. 反而用筆尾那兒畫反而更好.

就係咁我都玩咗個幾鐘. 得出呢隻貓貓. haha

豆芽炒肉鬆

呢個餸係我咁夜番去煮反先黎煮. 真係煮錯餸 (佢應該留番係星期六日先煮就啱)

因為我煮飯不嬲都晚. 佢仲要將d 芽菜切粒. 真係有排攪. 而我已經切得超求其.

不過煮完出黎好好味. 用黎撈飯就最啱. 正 !

我睇到另一個食譜. 係用牛肉的呢. 唔知味道相差大唔大呢 !

材料 :
大豆芽菜 - 480 克
瘦肉 - 240 克
薑 - 1 片
蔥 - 2 條
酒 - 1/2 茶匙
油 - 2 湯匙

調味 :
生抽、油 - 各 2 茶匙
生粉 - 1 茶匙
蛋白 - 1 隻

芡汁 :
鹽、糖 - 各 1/2 茶匙
老抽 - 1 湯匙
蠔油 - 1/2 湯匙
水 - 4 湯匙
生粉 - 1 茶匙
麻油、胡椒粉 - 各少許

做法 :
1. 大豆芽菜切去根，洗淨切碎，薑切碎，蔥切粒。

2.	瘦肉剁碎，加入醃料拌勻，醃 10 分鐘。
3.	燒熱白鑊，放入大豆芽菜炒乾水分，取出。

4. 燒熱油兩湯匙，炒瘦肉片刻，加入大豆芽菜、薑，灒酒，炒勻，拌勻芡汁料，先放下半量，不停炒動，再將餘下半量芡汁料埋芡，加入蔥粒，兜勻上碟。

白鑊炒乾大豆芽菜的水分，並可去除豆青味。

薑蜜雞翼

其實味道似醬汁蜜糖雞翼. 得好少的薑味

可能我薑汁下得不夠多. 又唔係好識拍薑......

不過味道也是挺好的.

每餐都煮新餸. 希望老公不介意做白老鼠就好

唔係我邊有blog 寫. 哈哈哈

材料：
雞中翼          16隻
蒜頭            3粒
乾蔥            4粒
薑              1両(40克)

調味料：
老抽            1/2湯匙
生抽            1/2湯匙
紹酒            1湯匙
薑汁            1湯匙
蜜糖            1 1/2湯匙(後放水4湯匙)

做法：
1. 雞中翼洗淨抺乾水份。

2. 蒜頭、乾蔥去衣拍扁；薑切厚片(拍鬆)。

3. 燒熱1 1/2湯匙油，爆香乾蔥、蒜頭、薑片，將雞翼放入爆炒透，注入調味料。蜜糖與2湯匙水拌勻加入，加蓋弱火炆煮15-20分鐘，至汁略收乾即可。

4. 注意別煮乾汁；調味料份量自己試味加添。

法包先修班

21/10 和朋友仔買咗團購去咗荔枝角呢間Levain Bakery學法包同牛角包 (地點比較似工場. 唔似一般教室ga )

不過原來係冇得搓包ga. (因為時間關係) .只係可以做型同睇牛角包示範

好彩自己都識少少啫. 唔係都唔知做咩lu



牛角包示範
1. 先包好牛油

2. 先摺三份一

3. 對摺. 並重覆兩步驟兩次

4. cut 三角型

5. 以上部份全部都係阿sir 示範.
我地只係做捲呢個動作........

出爐啦 ! . 不過呢個包又真係好好味. 但超肥啦. 佢話塊牛油成99%脂肪

我主要原因係因為法包而黎. 之前未學過呀

冇得搓包有少少失望. 我地只負責做型

佢地整呢個麵糰質感真係好唔同. 好軟好軟. 好似剛出生的bb .

我地仲要摺. 又變佢做長條型. 有同學都已經整到好攪笑. 個包長到可以做"士的"

呢個包應該係我ge. 我地仲可以界花紋

出爐lu. 睇下幾長.

長過張枱呀. 味道挺不錯的. 個皮真係好脆.

但自己屋企應該係做唔到ge.......

睇番團購. 原來應該仲有d coupon .不過我冇收過.

但都冇所謂. 應該就唔會去到咁遠買包食. haha

佢地d 包係對面海有得買

肉鬆豆腐蒸滑蛋

估唔到呢三樣野加埋d味又幾好ga喎 .不過肉鬆我地可以話係邊食邊加. 三湯匙一定唔止. haha

而且我今次仲蒸到d 蛋鬼咁滑. very good !!

同一餐仲整咗榨菜蒸牛肉. 廿蚊得勁少. 差d 唔夠食. 不過其實兩公婆都就住食. haha.

我又想讓俾佢食.怕佢冇肉食.唔夠飽.  佢又想留俾我帶飯. 真好 ^^

材料　：　

雞蛋　　2隻
肉鬆      3湯匙
雞湯      250ml
豆腐      1件 (切粗粒)
蔥粒      1湯匙

做法 ：

1. 豆腐粒撒鹽半茶匙拌勻, 待5分鐘. 隔淨水份, 放深碟內
2. 將雞蛋及雞湯拌勻. 倒入深碟中, 隔水用中火蒸約8-10分鐘
3. 撒上肉鬆及蔥柆, 趁熱品嚐

豆腐用鹽拌過會出水, 必須隔淨才與蛋液一起蒸

麵包超人做型蛋糕

好幾年前做過一個麵包超人蛋糕是做給同事carmen 的

今年壽星女要求問我可否再做一個新的

好啦好啦. 見咁耐 冇整過蛋糕俾你. 就再整一個la

上次只係整咗個頭. 今次整全身的

不過唔係整得好好. 因為我忘了反轉張牛油紙. 左右調轉了

甩朱古力時又不好. 弄斷了頭和腳. 而佢個樣仲有少少爆拆甩皮tim

不過遠睇都唔覺ge. 而壽星女都收貨. 咁就算la

豉椒炒蜆

原來炒蜆係咁易整ge. 不過因為我都係用平底鑊ga咋. 硬係冇咁好鑊氣咁

而家煮多咗飯 .老公讚我有進步. 除了快手咗. 仲多咗d 媽媽味. haha

材料 :
蜆　　　　　600g
豆豉             1湯匙
蒜茸             2湯匙
辣椒             1隻

芡汁 :
生抽　　　　２茶匙
糖　　　　　半茶匙
生粉             2茶匙
清水             1湯匙
麻油             少許

做法 :

1. 蜆放鹽水中浸半小時, 讓它們吐沙, 洗淨, 瀝乾水份
2. 辣椒切粒, 與蒜茸, 豆豉拌勻
3. 燒熱2湯匙油, 爆香蒜茸, 豆豉和辣椒, 倒入蜆, 蓋上鑊蓋煮4-5分鐘至蜆殼打開
4.下芡汁煮滾, 兜勻至汁稠,即可

數字排骨

煮完呢碟餸. 老公叫我以後唔好再煮.

因為......  勁痴底. 洗到佢死. 哈哈哈

我都唔係煮咗好耐啫. 唔知點解d 汁變到好似蜜芽糖咁

而d 排骨就老咗d .鞋鞋地......

但個汁的味道是不錯的. 可能都係我煮過火了.

材料 :

一字排 (要肥一些)          300g
紹興酒                          1湯匙
白醋                             2湯匙
糖                                3湯匙
生抽                             4湯匙
水                                5湯匙

做法 :

1. 用滾水將排骨汆水, 瀝乾
2. 將所有材料放進鍋, 以高火煮2分鐘 ,然後以低火焗20分鐘至全熟
3. 轉至高火直至醬汁厚身, 上碟

番茄燴椰菜

原來要日日放工煮飯真係好累呀. 呢個星期煮咗三晚.  真係極限啦 !

雖然真係可以慳好多. 仲可以帶飯.

我計過呢三日只係買咗百二蚊餸咋.

做師奶仔原來不容易

材料 :
番茄（中）　２個
椰菜             半個
蒜頭             2粒

調味料 :

茄汁　　　　１湯匙
糖　　　　　1茶匙
鹽                3/4茶匙

做法 :

1. 椰菜切粗絲後洗淨, 番茄去蒂切粗粒 ; 蒜頭去衣拍裂

2. 起油鑊, 爆香蒜頭, 下椰菜炒軟, 下番茄粒及調味炒勻

又來轉移玻璃碟

8號風球多咗呢天的假期. 我用了來做手工

今次整咗隻玻璃碟送俾阿頭啦. 因為佢就黎結婚

但要捽咁大張相. 果然捽到手痛

亦由於張相可能淺色. 我要加白色係後面. 起初用咗石膏底漆. 但吹乾後會裂. 所以之後又再補多層塑膠彩.

正面睇沒什麼. 但係燈光下便會見到有畫筆印.

而且我係塗保護膠時唔知點解會係咗呢d 泡泡.......雖然我筆記有寫話一定要吹乾第一層先好上第二層. 唔係就會起泡

但我明明吹咗好耐. 摸落去都乾ga.但.......

好彩前面係冇影響啫.

monchhichi 做型蛋糕

突然收到細佬電話. 話想order一個　monchhichi　樣的蛋糕喎．．．．

我即刻上網睇下ｄ　圖．　睇下自己係咪有能力整到先應允佢．　

好彩個個樣都簡單．　應該ｏｋ　

初頭諗住都係唧花或者用果膠

但突然醒起可以用朱古力．應該仲方便

出來效果．自己就好滿意啦　！　

我係跟下面呢個圖整ｇａ　

剛剛好可以蓋係蛋糕面．　
而唯一覺得有缺失的．　係它的眼睛我冇加白色．　感覺上冇咁有神呢　！

韭菜蝦仁炒蛋

聽聞呢個餸對男人係好補ga喎. haha

估唔到咁簡單材料就有得補喎 !

老公炒蛋好好味. 所以去到最後步驟就叫佢去炒啦 !

份量： 4人

材料

蝦仁10隻、雞蛋4隻（拂勻）、胡椒粉/生粉/鹽各少許、韭菜適量（切段）、
蒜茸/薑茸各1茶匙、紹酒1湯匙

做法

1.蝦仁加胡椒粉、鹽及生粉拌勻醃15分鐘。

2.開大火燒熱鑊下油，爆香蒜茸及薑茸，下蝦仁炒熟後盛起。

3.再燒熱鑊下油，將韭菜炒熟，灒酒兜勻後盛起。

4.再起鑊，下蛋漿炒至凝固後，將蝦仁及韭菜回鑊炒勻後即可上碟。

 

炒韭菜時先下韭菜白略炒後，才下韭菜綠同炒，記得灒酒，可去除草青味。

凍莓芝士蛋糕

新一年開始. 又同管理員開生日會啦 !

今凍整咗呢款士多啤梨芝士蛋糕. 呢晚我仲去咗街食飯ga.

估唔到番到屋企都算快手整好. 整完都唔駛十二點

雖然今年度我阿頭話可以買蛋糕同佢地慶祝. (佢出錢)

但我都希望可以親手做俾佢地ge. 咁先迫到我試多d 新口味. 唔會有藉口懶

同埋佢地都期待我整的蛋糕ga. hahaha

呢次仲整多咗個細的俾同事食. 老公又呷醋話個個都有得食. 得佢冇份食啦 !

材料 :  (20cm)

士多啤梨       80g
忌廉芝士       150g
鮮忌廉          100ml
砂糖              40g
魚膠片           5g
涷水              4湯匙
檸檬汁           1湯匙

餅底 :
消化餅底        100g
溶牛油            50g

做法 :

1.
2. 魚膠片浸凍水至軟

3. 忌廉芝士和魚膠片入微波爐30秒

4. 將忌廉芝士.魚膠片,士多啤梨, 鮮忌廉, 砂糖和檸檬汁放入攪拌機攪成漿

5. 將漿倒入批模內, 放入雪柜雪3小時. 加裝飾即可

廣島燒蠔煙肉卷

係吉之島買咗包廣島蠔百幾蚊. 不過可以放係冰箱. 可以當存貨

今次用咗黎煎.拼埋煙肉好香口

但唔知可唔可以代替一d 桶蠔食譜的煮法ge呢 ??

唔知炸又好冇味呢 ? 不過我唔係好敢炸. 哈哈

材料　：
日本廣島蠔          4隻
煙肉                    2片

調味 :
鹽及黑椒碎          各少許

做法 :
1. 蠔洗淨, 放入滾水中即撈起, 以廚紙吸乾水份, 加入調味料拌勻

2. 煙肉片緃切, 每片一開二成四片

3. 每片煙肉捲上一隻蠔, 直至完成四隻, 以竹簽穿上

4. 燒熱少許油, 將蠔串以中火煎約10分鐘煎至兩面金黃便可

甜酸菜炒豬大腸

超簡單的一個餸. 因為我唔係自己鹵豬大腸. 我只係係燒味檔買兩條就算呢 ! hehe

但老公就幾鍾意食啦. 我就覺得ok ge. 只係我買的那檔燒味似乎整得條大腸不是咁好味.

但冇法啦. 懶就係呢個結果

材料 :

甜酸菜       180g(切片)
鹵水豬大腸 250g (切片)
蒜茸           1/2茶匙

調味 :
黑椒碎       適量
鹽             適量
糖              1/2茶匙

做法 :

1. 燒熱鑊, 下油, 下蒜茸爆香, 下甜酸菜 ,豬大腸炒勻, 再下調味料炒勻, 即成


tips :買回來的豬大，　要先汆水，　才加入鹵水汁，　份量比例約１對１份量

金針雲耳炒鳳梨

呢個餸名雖然聽落好奇怪. 但其實味道沒什麼特別. 沒什麼化學作用.

三樣野的味道不會均在一起. 金針雲耳一個味. 菠蘿又一個味. (可能因為我用咗罐頭菠蘿啦 )

但食譜話金針浸軟後要剪咗個蒂. 但我唔知個蒂係邊.........

材料 :

新鮮雲耳　　　100g
金針                30g
鳳梨                100g
甘筍花             8片 (我冇下)
薑茸, 蒜茸       各1/2茶匙

調味 :
生抽               1湯匙
糖                  1/3茶匙
胡椒粉            少許

做法 :

1. 先將金針浸軟, 剪去蒂,洗淨, 瀝乾待用

2. 鳳梨切件, 雲耳剪去蒂部, 飛水, 備用

3. 燒熱1湯匙油 ,炒香薑茸 ,蒜茸, 再加入甘筍花, 金針, 雲耳, 鳳梨炒勻, 下調味料, 炒勻上碟, 即可

tips：也可用罐頭菠蘿, 如無鮮雲耳也可用乾貨浸發

香煎腰果豬肉餅

好泰式的一個餸呀. 因為入面有紅咖喱同檸檬葉

不過我就煎得肉酸咗少少ge.

但味道不錯.

整多咗. 仲拎咗反去請同事食tim

材料：

梅頭瘦肉300克、炸香或焗香腰果碎1/3杯、麥片1湯匙、檸檬葉數片

調味料：

鹽1/4茶匙、魚露2茶匙、酒1茶匙、糖半茶匙、紅咖喱醬1湯匙半，蒜茸1茶匙、
黑胡椒碎1/4茶匙、蛋汁1湯匙

1.梅頭瘦肉幼條，切粒再攪爛。 (我梗係買係鋪頭攪碎的就算la)

2.檸檬葉撕成幼條待用，麥片用水1湯匙浸片刻。

3.梅頭瘦肉先加入鹽、魚露、循一方向攪至起膠，繼而加入餘下的調味料再攪。

4.最後加入檸檬葉碎、麥片、腰果碎拌勻，雪片刻，最後搓成小圓球，沾上少許生粉按扁，用少許油煎至金黃色。

金銀蒜蒸絲瓜

絲瓜當一碟菜都幾抵食呀. 3蚊就有大大條. 冬天就冇得食ga la. 呢期仲有要煮多d 先

今次我切得比較大舊. 好似有d 唔夠淋咁呀.

而味道呢. 我覺得可以再多少少豉油law.唔係下面d 粉絲都冇味.....

材料 :
絲瓜           1條
蒜茸           2茶匙
炸蒜茸       2茶匙
粉絲          1紮

調味 :
鹽              1茶匙
麻油          3湯匙

做法 :
1. 先將絲瓜去皮洗淨, 瀝乾水份, 斜角切成大塊

2. 粉絲用清水浸軟, 瀝乾水份, 平鋪碟面, 粉絲面鋪上絲瓜塊, 將蒜茸, 鹽, 麻油及炸蒜茸混和, 淋到每塊絲瓜上

3. 燒滾水, 用大火蒸8分鐘即可, 中途揭一揭蓋, 可保持絲瓜翠綠

tips ：　
同樣煮法適用於節瓜