韭菜蝦仁炒蛋

聽聞呢個餸對男人係好補ga喎. haha

估唔到咁簡單材料就有得補喎 !

老公炒蛋好好味. 所以去到最後步驟就叫佢去炒啦 !

份量： 4人

材料

蝦仁10隻、雞蛋4隻（拂勻）、胡椒粉/生粉/鹽各少許、韭菜適量（切段）、
蒜茸/薑茸各1茶匙、紹酒1湯匙

做法

1.蝦仁加胡椒粉、鹽及生粉拌勻醃15分鐘。

2.開大火燒熱鑊下油，爆香蒜茸及薑茸，下蝦仁炒熟後盛起。

3.再燒熱鑊下油，將韭菜炒熟，灒酒兜勻後盛起。

4.再起鑊，下蛋漿炒至凝固後，將蝦仁及韭菜回鑊炒勻後即可上碟。

 

炒韭菜時先下韭菜白略炒後，才下韭菜綠同炒，記得灒酒，可去除草青味。