西蘭花火腿蒸水蛋 (附食譜)

哈哈!!暑假多咗玩煮飯仔. 米 箱剩番唔係好多米咋!! yeah!!  放咗勁耐啦d 米......

今次整呢個西蘭花火腿蒸水蛋. 又有菜,有肉,仲有蛋. 夠哂營養
不過今次蒸得老咗少少(個面) ,但入面都好滑

還記得第一次蒸蛋.用咗大火.仲要冇睇住.由佢蒸,點知熄火之後發現點解變咗有條毛巾係個碟度ge

原來....係隻蛋蒸得太老......巢哂....變咗好似一條扭乾咗ge 毛巾咁樣.....但我都要迫榮榮食
你地話我係咪好變態!! haha

今次唔記得撈勻d 火腿同西蘭花

. d 火腿責哂係碟底 .所以睇唔到


《健康家常食譜》    4人份

材料:

雞蛋                            4隻
火腿                            半片 (約20g )  (我下咗一片.因為鍾意食)
西蘭花(去莖)             3两  (120g)  (我就買咗一棵去莖就算)
清水                             1杯  (240ml)
植物油                         半湯匙       
鹽                                 1茶匙

做法:

1. 將雞蛋去殼拂勻,加入鹽,水拌勻備用
2. 沖淨火腿, 用抺手紙吸乾水份再切絲備用
3. 洗淨西蘭花,瀝乾水 ,切成小粒
4.  用易潔鑊燒熱油,加入西蘭花炒至半熟,盛起放涼備用
5.  西蘭花和火腿放到蒸碟內,然後將蛋液倒入蒸碟
6. 用鑊煮熱水,水滾後放入蒸碟,以中火隔水蒸12-15分鐘.即成.  

Tips : 除了用火腿外,亦可用己浸軟的蝦米或干貝代替

而另一碟係

香草咖喱雞翼

我成日都整雞翼,係因為我覺得易整.又可以快d (因為我真係煮得好慢)
但多數都整唔同味道.所以榮榮應該唔會覺得悶卦......

以前己經整過,想要食譜可按

這 裡