免治肉碎炒粉絲 (附食譜)

第二碟餸就係呢個免治肉碎炒粉絲

如果你細食d 呢碟野都己經可以當一餐

(但要小心胃痛啊!)

味道酸酸甜甜幾好味. 比原食譜下多咗粉絲. 因為好似好少咁. 而自己又鍾意食喎!!
而最重要係我只係買咗兩蚊都有咁多. 但原食譜只係用得一半.咁剩番的幾條粉絲又唔知放到幾時了.

唔建議買一包包的. 一來唔識分真假. 二來真係次次煮親都好碎
我次次都係街市的雜貨鋪買的, 兩蚊就有下面咁大碟

《簡易快捷cook 得起》2人份

材料:
免治豬肉                       150克 (我就係一次買10蚊.每樣餸一半
                                                     唔通同個豬肉佬講: 唔該.我要150克豬肉絞碎呀!!咁咩!! 俾人鬧死都似)
粉絲                               25克 (我咪就係買咗兩蚊囉!)
蒜茸                               1茶匙
薑茸                               半茶匙
香蒜辣椒醬                   1.5湯匙 (我又係用泰式辣椒醬代替)

調味料:
雞粉                               半茶匙
茄汁                               125ml
麻油                               1湯匙
粟粉                               1茶匙
水                                   100ml
糖                                   1.5茶匙
鹽                                   少許
胡椒粉                           少許

做法:
1.粉絲以暖水浸軟,瀝水,備用.
2.燒熱麻油,下蒜茸.薑茸及香蒜辣椒醬,用小火加熱,煮至香味散出,轉中火加入免治豬肉拌炒
3.再下水,茄汁及雞粉.水煮滾後,再下粉絲煮至透明狀,將粟粉加少許水調勻,加入鑊中,煮至稠身,下糖.鹽及胡
    椒粉,即成

因為自己下多咗粉絲都好索水.所以唔駛下生粉水都ok