第二碟餸就係呢個免治肉碎炒粉絲
如果你細食d 呢碟野都己經可以當一餐
味道酸酸甜甜幾好味. 比原食譜下多咗粉絲. 因為好似好少咁. 而自己又鍾意食喎!!
而最重要係我只係買咗兩蚊都有咁多. 但原食譜只係用得一半.咁剩番的幾條粉絲又唔知放到幾時了.
《簡易快捷cook 得起》2人份
材料:
免治豬肉 150克 (我就係一次買10蚊.每樣餸一半
唔通同個豬肉佬講: 唔該.我要150克豬肉絞碎呀!!咁咩!! 俾人鬧死都似)
粉絲 25克 (我咪就係買咗兩蚊囉!)
蒜茸 1茶匙
薑茸 半茶匙
香蒜辣椒醬 1.5湯匙 (我又係用泰式辣椒醬代替)
調味料:
雞粉 半茶匙
茄汁 125ml
麻油 1湯匙
粟粉 1茶匙
水 100ml
糖 1.5茶匙
鹽 少許
胡椒粉 少許
做法:
1.粉絲以暖水浸軟,瀝水,備用.
2.燒熱麻油,下蒜茸.薑茸及香蒜辣椒醬,用小火加熱,煮至香味散出,轉中火加入免治豬肉拌炒
3.再下水,茄汁及雞粉.水煮滾後,再下粉絲煮至透明狀,將粟粉加少許水調勻,加入鑊中,煮至稠身,下糖.鹽及胡
椒粉,即成
唔該外買一份呀!!
回覆刪除又係好o岩撈飯ga wor, 我都要外賣, 唔該~
回覆刪除你係咪跟新買既烹飪書學的? 我未食過呢味菜呢!
回覆刪除咁樣炒粉絲又幾新穎喎~
回覆刪除餸飯一流
回覆刪除好惹味!
回覆刪除感覺好惹味呀, 酸酸甜甜咁, 一定好醒胃
回覆刪除好特別呀,唔用意粉,用粉絲!!!正!
回覆刪除好得意呀! 我諗可能會炒米or銀針粉~咁就飯都唔駛煮!!!
回覆刪除睇落好似好好荐喔,等我又試下~~
回覆刪除睇落好似好好味喔,等我又試下~~
回覆刪除好似螞蟻上樹呀~~肉碎加上粉絲,真係一個字~正
回覆刪除