做咗阿姨啦!! yeah !!

原本預計今日應該寫番我上星期和同事去咗 長隆 玩嘅遊記

但有d 野真係預計唔到, 仲一定要打尖先得喎!!

haha. 就係呢個小bb 早咗兩星期出世囉!!  佢係昨天早上 (21/8) 黎到呢個世界

係我堂姐生嘅bb 呀!! (恭喜哂! 係仔黎ga)

所以我嘅地位亦變咗阿姨la .雖然係堂姨 那隻 (糖衣!!! 但我唔係糖衣毒藥, 放心!!)

廿幾歲人.我最大輩份都只係表姐咋!!  今次有得升級la

因為bb 出世遲咗喊.要係特別bb 房度觀察.
而且話係吸出黎喎!! (我唔知點吸. 媽咪話即係生唔出!! 可能唔夠力)
做媽媽原來真係咁辛苦.....

所以我昨天都見唔到佢嘅真身.呢d 相都係我堂姐拎我部相機去影俾我睇

原本以為個個bb出生都似一舊粉糰.輪廓未清楚
但佢個樣唔似啱啱出世. 好老積呀!  (唔知第時係咪又會多個麻甩b 呢?)

隻腳仔好細隻呀!得隻手指咁大咋!! 但點解咁縐嘅??

有些朋友十幾歲就做人地阿姨姑姐.
而我就最大都只係表姐
睇下我同麻甩b 差咁遠,但都只係表姐弟關係(唔好個個都攪錯,佢唔係我個仔.我雲英未嫁 ga!!)

但唔好意思, 過多兩個月.我仲有得做人家姐呀!! 哈哈

不過又係堂姐. 因為有位阿嬸都就快生ga la. (其實呢位阿叔同阿嬸都只係大我幾年)

呢兩姐弟就真係差得遠囉....