香辣肉碎炒翠玉瓜 (附食譜)

暑假只係得番兩星期咋!!唔知我仲有冇時間煮多兩三次飯俾榮榮食呢!!
平時放工夜返. 之前已經有大半年冇煮過飯了.  而家暑假放早咗d .都叫煮咗一兩次ge

最攪笑係我仲要問榮榮 點解你平時唔帶飯呀?? 之後自己都發現問錯野.其實只係我冇煮飯.

因為我煮得慢ma又論鬼盡

.放工回來再買餸煮飯.冇10:00 你都冇得食呀!!

呢個餸都幾好味ga .又唔太多野.所以我今次都算煮得快ddd 囉!!
一餐飯當然唔只得一個餸la .明天再奉上

《家常宴客 cook 得起2)

材料:
翠肉瓜             2 個
免治豬肉         120 g (我都係求其買幾蚊)
指天椒             1 隻 (去蒂及籽.切幼片)
油                     2 湯匙

醃料:
雞粉                 半茶匙
美極                 1茶匙(其實下其他豉油都差不多味啫)
糖                     半茶匙
生粉                 少許

調味料:
香蒜辣椒醬     1湯匙 (我用咗泰式辣椒醬.即m記點雞翼那些)
糖                     2茶匙
鹽                     1茶匙

做法:

1. 先將翠肉瓜切細條狀; 免治豬肉拌入醃料, 醃約10分鐘, 備用
2. 燒熱油, 爆香免治豬肉至熟,盛起, 備用.
3. 於同一鑊內,下翠肉瓜及指天椒爆炒至八成熟後,將免治豬肉回鑊兜炒片刻,拌入調味料略炒.即成.