幾年前.榮榮話會整楊枝金露俾我食,整咗幾年,終於都有得食la
其實都唔難整ge.只要搵啱食譜,調較番自己口味就可以
最鬼麻煩都係要搣d 柚肉. 攪到成隻馬騮咁. (不過今次唔駛我搣.hehe)
全程我都只係幫手煮咗個糖水.而切生果同攪芒果茸呢d 濕碎野就榮榮做哂 (當然la,係佢話整俾我食ga ma)
我地今次仲加咗個
好容易整,大家可以試下
(不過最好搵隻馬騮幫你搣柚肉......唔好睇錯,唔係叫你搣蘿柚呀!!咁只會痛.....係冇得食的)
材料:
芒果 2個 (但我用了超大個的,好似罐綠力 飲品咁大個.原本影咗相,不過唔知放咗係邊)
金柚肉 1/2杯 (其實隨意就得.但一定要金柚唔好沙田柚.會甜D)
甜忌廉 1杯 (我今次用咗淡忌廉,因為懶得買.但我係唔飲奶的,所以還是有少少接受不到,下次
一定要用番甜忌廉.如果你唔怕奶味.用淡忌廉都OK )
芒果雪糕 1小杯
冰糖 150克 (如果用甜忌廉,應該可以減糖)
西米 3湯匙 (又係隨意都OK)
水 2.5杯 (但我的芒果因為大個,所以芒果汁都是多咗的,但水嘅份量我照跟)
做法:
1. 冰糖加水煮溶, 待涼
2. 西米放入滾水中煮約10分鐘,熄火,焗至透明
(好似散花咁落,就唔會痴埋一舊‧焗至透明之後,隔去熱水,可用冷水浸住)
3. 芒果去皮,一個切粒,另一個磨茸
4. 將甜忌廉,芒果雪糕加入糖水中拌勻
5. 拌入餘下全部材料,雪凍便可以品嚐
tips: 燒滾水後才放入西米烹煮,可避免西米變糊狀
搵番張芒果相.補貼番.超大個
我都好想食呀.......唔知bobo識唔識整呢....
回覆刪除楊枝甘露我都好鍾意食呀!我成日都話要係家試整野,但一次都未開始,死啦,點算呀!
回覆刪除呵呵~ 終於有得食囉喎........ 遲到好過無到啦....
回覆刪除1碗呀!
回覆刪除唔該 1 碗 好好味 !
回覆刪除我好鐘意食芒果㗎 !呀!想問吓用花奶代替甜忌廉得唔得呢 ?
回覆刪除呢個我都好鐘意食呀! 不過呢排D MANGO唔知去哂邊
回覆刪除夏天最啱呀, 我有時間都要試下先
回覆刪除wa...行街要等一粒鐘, 整楊枝金露要幾年...原來您個榮榮係"慢世魔王"
回覆刪除小小提意, 芒果, 金柚, 淡忌廉 同雪糕都唔可以太多, 我上次整兩份份量, 我落左三個大芒果, 一個金柚, 三盒細既淡忌廉, 三杯細雪糕, 整既時候都無問題, 不過雪完之後會「杰」到好似布甸咁, 小心, 小心。
回覆刪除咁你食唔食凍餅???全部都有淡忌廉喎~ 同埋唔飲奶嘅話~要食另外一d嘢補番calcium!唔係骨質疏鬆就大鑊!!!
回覆刪除乜要用芒果雪糕架?? 遲D我自己又試下先..
回覆刪除