新廳燈

如果有留意我篇婚後物資. 就會發現盞廳燈要找新主人了

其實我都好鍾意盞燈. 不過可能係水晶燈的關係. 折射比較多. 比較上冇咁光

老公馬馬地鍾意. 成日叫我去再選過一盞.

但我覺得好浪費ma. 一路拖. 拖到半年後. 終於陪佢去買過新一盞燈燈

款式當然冇水晶燈咁靚. 但都幾襯我地屋企. 而且比起以前又真係光咗

不過價錢都要千幾蚊. 唔係水晶燈會貴d ge咩. 點解呢盞燈都要咁貴ga ???

南乳焗雞翼 (附食譜)

呢個雞翼都幾惹味ga

第二日帶飯同事都話我個飯盒好香呢.

只係醃好拎好焗就ok . 十分方便.

我好鍾意食南乳鴨. 下次要再挑戰下先得

材料 :
雞翼           10隻
南乳           1磚
薑,蒜,蔥      各少許

調味 :
砂糖           2茶匙
生粉,老抽   各1茶匙
花雕,麻油   各少許

做法 :

1. 薑, 蒜切碎. 雞翼洗淨, 將南乳, 砂糖, 生粉, 花雕,麻油, 老抽, 水拌勻, 把雞翼放入醃料

2. 雞翼醃好後放入焗爐180c焗15分鐘

3. 可按個人口味, 塗上蜜糖即可

tips : 蜜糖可加入少許水調稀

蒜香梅菜豆腐

呢一晚正當我準備晚飯一半之際. 老公打番黎話因為有野做. 所以唔反黎食.

oh....咁我仲繼唔繼續煮好呢 ??

最後都係煮la. 咁我都要食ga ma. 佢做完野番黎又可以食. 我又可以帶飯.

一舉三得.

呢個餸其實得梅菜味. 蒜頭味又唔係幾覺

用來撈飯都不錯呀

材料： 布包豆腐2磚、梅菜芯1棵、炸香蒜片(或蒜茸)適量。

汁料： 老抽1湯匙、生抽2茶匙、糖1-2茶匙、水2茶匙、麻油1茶匙。

做法：

1. 梅菜花清洗乾淨，用水浸10-15分鐘，扭乾水份，切碎待用。

2. 布包豆腐吸乾水分，一磚分四件，用少許油落鑊，煎香兩面。

3. 下梅菜及蒜片，炒勻，加入汁料，快手炒勻即可上碟。

貼士： 若跟我一樣用鹹梅菜，需要預先用麻油及糖略醃；因不同梅菜味道有所不同，請自己試味加減糖的份量

壽桃唧花芒果蛋糕

上星期日婆婆生日. 今次攪大咗喎.

係酒樓BOOK 咗間房同佢慶祝. 成班屋企人嘈之巴閉. 阿婆又有孫同佢打牌.

係切蛋糕時大家一齊唱生日歌. 可能我把聲太動聽啦 (因為我拎咪)

我見到婆婆感動都喊. 呵呵 !!

今年阿婆有兩個CAKE. 一個係另一個朋友買來的. 係飯前食

我呢個等齊人先. 但個個都飽飽食不下啦. 但每人都好俾面食咗一舊仔ge

入面的芒果餡係阿婆送俾我的. 我話我用番黎整蛋糕俾你la

塊葉整得馬馬地.......可能隻手有d 濕. 整到佢痴埋咗

加埋個生日牌. 大家睇得出是個桃嗎 ?

原本家人叫我不要整la. 因為知道有人買咗蛋糕.

但我還是想整. 婆婆年紀大啦. 還可以吃得我整得蛋糕多久呢. 所以我還是親手整.
但佢感動下啦 ! 哈哈

happy birthday

欖菜肉碎炒豆角 (附食譜)

又係好好撈飯的一個餸. 有豆有肉. 夠哂健康

但買咗咁大樽欖菜. 除咗呢味餸之外. 仲可以整D 咩餸去消滅佢呢 ??

遲D 要找下食譜. 再試新菜式先得

材料：

欖菜1湯匙、肉碎120克、豆角10條。

做法：

1. 豆角洗淨、切粒，待用。

2. 用油炒熟肉碎後，加入豆角爆炸，最後加入欖菜兜勻，即可。

貼士：

這是一道家鄉小菜，製作簡單，十分惹味，既可下飯又可送粥。

榨菜豬頸肉 (附食譜)

很惹味的一個餸啊. 又簡單易煮. 所以呢日好早開飯. haha

墊底的腐竹索咗D 汁勁好味. 不過就........肥la

榨菜我買一包包的. 夠哂方便, 又唔駛浸. 味道又啱

只係永遠我都唔識切片. 次次都切到豬柳咁樣

材料：豬頸肉8両、台灣榨菜（免浸又爽口）1棵、鮮腐竹3條

醃料︰生抽/老抽/糖/油/生粉各少許

做法：

豬頸肉切片後醃1/2小時後與榨菜撈勻。鮮腐竹切段墊碟底，將豬頸肉放面，隔水蒸約20分鐘即可。

蟹柳鮮竹燴絲瓜 (附食譜)

呢個餸清清地. 係夏天不錯的選擇.

不過老公唔係太 like 食勝瓜.

同埋今次可能煮得唔夠淋. 好似仲有少少草腥味呢.

加咗勁多腐竹. 索哂d 汁好好味

以前啤梨好鍾意食蟹柳. 一食可以食哂一條. 而家個衰妹大咗. 都唔食了

材料:

絲瓜              500g (刨去硬邊,切件)
日式蟹柳      4條 (切段)
雞湯              250ml
薑                  2片
鮮腐竹          2條 (不過我下了很多......)

做法 :

1. 燒熱油1湯匙爆薑片, 下絲瓜炒2分鐘, 注入雞湯煮至熟

2. 加鮮腐竹及蟹柳煮滾, 即成

tips : 絲瓜用油及薑爆炒可辟除 " 菜青味"

青木瓜花生眉豆雞腳湯 (附食譜)

早排整完花生醬ma. 剩番部份花生係度. 又要諗下點消滅佢

睇食譜見到呢個木瓜湯. 又好似幾好味喎 !

不過我未買過鮮雞腳. 第一次整. 好彩都唔覺得太肉酸.

但係我切腳趾的時候. 白痴野又發作. 對住隻雞腳係度講. 邊隻手指出老千. 哈哈.
跟住就剁落去. 嘩哈哈. 好低能.

但我唔係好識剁. 最後用胶剪幫佢剪指甲算. haha

材料 :

青木瓜            1個
鮮雞腳            5對
花生                80g
眉豆                80g
薑                    2片

做法 :

1. 花生眉豆略浸水. 沖淨, 瀝乾 ; 青木瓜刨皮, 洗淨切厚件, 備用

2. 雞腳剪去趾. 飛水洗淨. 備用

3. 將所有材料同放煲中. 注入適量清水 .煲滾後轉中小火煲1.5小時 . 加鹽調味即成

tips :

青木瓜所含酵素是熟木瓜兩倍, 酵素可分解蛋白質, 醣類. 促進新陳代謝. 維他命c 豐富
(青木瓜可以係街市的山草藥店購買)

紅咖喱草莓排骨 (附食譜)

呢個排骨食落又唔係覺得點辣. 加咗士多啤梨醬去煮. 有點酸酸甜咁

我冇跟食譜下士多啤梨LA. 只係下兩粒 .都費鬼事買. 都係用黎裝飾ge啫

不過一包紅咖喱. 只係用得兩三湯匙. 下次又唔知幾時先再煮lu

《不辣不吃》

材料 :
急凍排骨         240g
士多啤梨         2個 (我冇茖. 2粒都係裝飾多啫)
乾蔥碎             1茶匙
清水                 60ml

醬汁料 :
紅咖喱醬         1茶匙
海鮮醬             1茶匙
士多啤梨果醬  1湯匙
雞粉                半茶匙

醃料 :
老抽                1茶匙
紅咖喱            半茶匙
糖                    半茶匙
酒                    半茶匙

做法 :

1. 排骨解凍, 洗淨瀝乾, 用醃料拌勻30分鐘後泡油至金黃色熟透 (我選擇用煎)

2. 燒熱油於瓦鍋中, 爆香乾蔥及醬料, 將排骨回鍋兜勻, 注入60ml 清水

3. 將士多啤梨切粒, 先加入一半同炆至汁液略收乾, 盛起, 再把餘下的士多啤梨粒灑於排骨面上. 即可

薯仔炆雞翼 (附食譜)

最普通不過的家常菜. 但亦係很多人喜歡的一款

今次d 薯仔煮得好淋. 用黎送飯真係好好味呀

因為平時媽媽都會下少少蠔油調味.

所以我係跟呢個食譜之餘. 亦有下一點蠔油

味道都十分相似呢 !!

材料 :

雞中翼         500g
生抽             2茶匙
薯仔             400g (切件)
幼紅蘿蔔     100g(切件) (冇買啊 )
乾蔥             2粒 (切片)
雞湯             375ml
生粉水         適量 (埋獻用)

做法 :

1. 雞中翼洗淨抹乾, 與生抽拌勻醃片刻

2. 燒熱1湯匙油, 用中慢火把雞翼煎至微黃色, 加乾蔥,薯仔和紅蘿蔔兜炒勻, 然後注入雞湯, 加蓋用中慢火炆至熟 (約15-20分鐘)

3. 拌入適量生粉水埋獻, 即可上碟供食

芒果涼粉

呢期d 芒果大熱呀. 10蚊四個. 仲要鬼咁甜

行過街市見到涼粉. 不如就整個芒果涼粉俾老公嘆下la

但d 人話街市的比較污糟. 但又有人話比罐頭的好食.

我冇試過罐頭的. 冇得比較.....

吃的時候都會想起媽媽以前整俾我地食.  細個有得食就開心la

糖水 : 薑 2片 / 水 3碗 / 片糖 2-3片

魷魚蒸肉餅 (附食譜)

上次整馬蹄肉餅. 落咗勁多馬蹄又切得大粒.
最後攪到碟野係肉餅蒸馬蹄....... 哈哈. 老公話食完唔夠飽

今次我醒la. 買少d 又切得細D. 仲加埋魷魚去蒸

原來d 魷魚咁貴. 要成12蚊一隻....

今次好好味呀. 老公都讚. 好耐冇見過佢一路食一路笑個樣啦. hahaha

材料：(4人分量)

肥肉40克、瘦肉240 克、乾魷魚1隻約40克、蔥粒1湯匙、馬蹄6粒

調味料：

鹽1/4茶匙、糖1茶匙、生抽2茶匙、胡椒粉少許、粟粉1茶匙半、紹酒2茶匙、麻油1茶匙、水3至4湯匙

1.乾魷魚浸軟洗淨，去皮切成小粒。

2.豬肉洗淨抹乾，剁碎，加入調味料拌勻。

3.馬蹄洗淨去皮，拍碎或切成小粒；蔥洗淨亦切粒。

4.混合乾魷魚馬蹄及碎豬肉，放入碟內，用刮刀輕壓抹平，放鑊內蒸約10分鐘，以蔥粒點綴，趁熱進食。

椰子花生曲奇(附食譜)

為咗快d 清哂d 花生醬.

我仲用埋黎整曲奇.

由於之前掛住整結婚野. 已經好耐冇整野食la

今次整咗d 曲奇番去請同事和學生食.

學生同我講. 你終於整番野食la ??
呵呵. 可能佢地都發現我好耐冇整野食俾佢地呢...

呢款餅餅味道不錯啊.

《我的第一堂蛋糕課》

材料 :
牛油       50g
黃砂糖   50g
雞蛋       30g
麵粉       100g
梳打粉   1/4茶匙
花生醬   50g
椰絲       25g

製法 :

1. 預熱焗爐至170度

2. 麵粉及梳打粉過篩

3. 牛油及糖打起, 打入雞蛋, 麵粉及梳打粉

4. 將麵糰擀成薄片, 用曲奇模切出

5. 放置在牛油紙的焗盤上, 入爐焗約18分鐘即成

花生醬包

話說老爺係fb 見到我樽花生醬. 佢話佢都想試下

但我又冇多個樽畢d 俾佢.

咁不如索性搓埋個花生醬包包請佢食 (已經勁耐冇整過包包LA)

雖然味道不錯. 但點都唔及即塗包包d 味道咁濃郁咁正

《香港麵包》8個

高筋麵粉           224g
糖                       56g
依士                   3-4g
牛油                   21g
溫水                  84g
蛋                       半隻
牛奶                   31g

餡料 :
花生醬               2-3湯匙

飾面 :
蛋液/ 花生碎         適量

基本麵糰→發酵→分8份,滾圓鬆弛→做型 (包餡)→發酵→塗蛋漿,放花生碎→200c, 焗10-15分鐘

腐竹馬蹄肉排湯 (附食譜)

呢個湯煲的時候. 一路聞到好香腐竹味.

不過其實煲的時候都有個問題

究竟我有冇買錯腐竹呢. 食譜話兩張喎. 冇理由係鮮腐竹ga??

老公對呢個湯一般. 因為佢覺得腐竹只係用黎煲糖水

而家好似咸豆漿咁. haha

我就覺得幾好味la. 可能我鍾意食腐竹卦

材料 :

肉排          320g
腐竹          2張
馬蹄          10粒

做法 :

1. 肉排飛水. 洗淨, 備用

2.馬蹄去皮洗淨, 腐竹浸軟. 備用 (但我沒把腐竹浸軟照放下去)

3. 將全部材料放入煲中, 注入適量清水, 煮至滾轉小火煲2.5小時, 加鹽調味. 即可

香檸豉油雞翼 (附食譜)

可能倒得太多檸檬汁...... 個雞翼似乎酸咗d  (半個檸檬汁份量應該夠啦)

掛住炒菜又唔記得試味. 唔係下多半片冰糖應該可以有得救

不過最後都係食哂ge. 哈哈

食大啖d 飯law

《三步煮好餸》

材料

雞中翼        6-8隻
檸檬            1個
薑                2片

調味料 :

鹽             1/3茶匙
生抽         3/4湯匙
清水         3/4杯
片糖         半塊 (後下)

做法 :

1. 檸檬洗淨, 榨汁留用 ; 將榨汁後檸檬切大件,待用

2. 雞翼洗淨, 用生抽及胡椒粉各少許略醃

3.用少許油爆香薑片, 放入雞翼煎至表面略黃, 轉放煲中, 加入檸檬及調味料, 以中火燜至雞翼熟及汁液減少, 注入檸檬汁, 下片糖調成甜酸味, 棄去檸檬即可

蕃茄魚滑炒椰菜花 (附食譜)

第一次買魚肉煮餸

以前一路認為d 魚肉係魚檔已經調咗味

好彩煮前都醒目問下人. 唔係淡patpat 都似

魚肉煎得濃咗d. 但又好香口

到而家都唔係好識切椰菜花同西蘭花呢d 菜.....切得好肉酸

材料

鯪魚肉          200g (我買了四兩)
椰菜花          350g
蕃茄              2個
蔥                  1棵
水                  適量

醃料  :

雞粉. 胡椒粉. 麻油 . 糖. 粟粉. 各約一茶匙

調味料 :

雞粉          1茶匙
粟粉          1茶匙
砂糖          2茶匙
茄汁          適量
水              適量

打醬 ~ 花生醬

話說上兩星期見到有blog 友自家製果仁醬.

即刻覺得好神奇. 原來合桃. 腰果. 花生呢d 都可以自己整成醬ge咩 ???

煩咗呢位靚太好多次之後. 

我都成功咗la .

靚太tips :
每次不要做太多，同時要選擇流量快的地方購買，因為不新鮮的花生含有大量一級致癌物質「黃麴毒素」，只要有半粒花生發霉，就足夠污染整樽花生醬了。
(真係唔講都唔知呢)

花生買回來要先烘香去衣 (六蚊花生就打到兩樽啦 )

另外阿媽教洗花生時. 浮面都扔掉. 因為都是不新鮮的

打打下變成粉 (由於花生醬有油. 由粉繼續打就會慢慢變成醬)

如果太乾. 都可以加少少橄欖油.

一加咗即刻易打好多ga 

攪下撥下都整咗成粒鐘

但打完真係好香呢. 一早叫定老公買包包番黎試味ga . 正 ! 

兩樽咁多有排都食唔哂. 所以之後都整咗兩款花生醬製成品啊!

 

材料：去殼花生150克、紅糖2茶匙、鹽1/4茶匙。 (可下兩茶匙橄欖油)

用具：家用攪拌器與乾磨小杯配件各一。

做法：

1. 把花生肉用乾淨鑊慢火炒香，小心不要炒燶，之後去掉外皮。

2. 花生放在攪拌器的小乾磨杯中，先用一字刀打碎花生成粉末狀。

3. 然後，加紅糖與鹽繼續攪磨。

4. 待其自動滲出油份後，再多打4分鐘至變成軟滑狀，即成花生醬。

貼士：

1) 一般家用攪拌器已可做到，假如家用機的摩打不能負荷連續使用數分鐘之久，為免燒掉摩打，你可以每攪磨一分鐘，便停機一回，然後才繼續。

2) 花生醬沒添加抗氧化劑不利保存，建議每次只做少量食用，並需放冰箱保存。(約2-3星期)

草菇勝瓜蛋花湯 (附食譜)

平時吃飯都總喜歡有啖湯入口.

可能由細到大. 每一餐都總會有湯. 不論滾湯. 老火湯. 又或者罐頭湯

食飽飯. 飲碗湯先覺得係一餐的完結

以前只係識番茄薯仔. 咸蛋節瓜.

而家會睇下d 食譜. 睇下有咩新煮意.

呢個湯都幾好味呀

不過老公似乎唔係好like 食絲瓜.

材料 :

勝瓜            1條
草菇            80g
雞蛋            1隻
清雞湯        1杯 (我只係用咗清水)
清水            1杯
生薑            2片

做法 :

1. 草菇切去少許蒂洗淨, 飛水對切開, 勝瓜刨皮切方塊, 洗淨, 備用

2. 煮滾雞湯及清水, 落薑片, 草菇, 勝瓜滾15分鐘, 熄火

3. 打勻雞蛋, 加入湯中拌勻, 以少許鹽調味即可

XO 醬洋蔥牛仔骨 (附食譜)

呢排睇番自己寫ge blog

發覺之前大部份都係寫結婚野. 很久都沒煮野食了

呢期又出番煮野食的blog 了.

記得當初開呢個blog 都係為咗記底一個煮食記錄

最後加下一d 加下一d. 變咗咩都有lu . hehe

有時睇 番都好開心ga !!



唔知係咪我下得太少xo 醬呢 ?

冇咩辣味. 出黎就好似洋蔥煎牛仔骨咁law

材料 :
牛仔骨         600g
洋蔥             1個(切絲)
蒜茸             1茶匙
薑茸             半茶匙
紅椒粒         1湯匙
蔥粒             1湯匙

調味 :
XO 醬           1湯匙

醃料 :

生抽             1湯匙
酒                 1湯匙
糖                 1/3茶匙
生粉             1湯匙
清水             1湯匙

做法 :
1. 將牛仔骨洗淨切件, 加入醃料拌勻約醃1小時, 備用

2. 燒熱1湯匙油, 將牛仔骨煎至八成熟, 留用

3. 再燒熱1湯匙油爆香洋蔥, 蒜茸, 薑茸, 紅椒粒. XO 醬.將牛仔骨回鑊, 加入蔥粒炒勻上碟, 即可

生煎包+南瓜餅

3月20日. MI Club 的會員活動

係港九酒樓茶室總工會度學呢個生煎包同南瓜餅.

其實兩款自己以前都整過.

但原來唔同地方學又有少少唔同

呢個地方學又唔算太一人一份. 最學頭搓包就由幾個同學負責.
最後再分一份俾同學自己包餡.

但想包得靚都幾難. 同埋如果冇記認. 你未必認得自己個包......

師傅示範包餡中.

大家的作品 (未蒸前)

蒸好之後就可以拎去煎. 由於時間關係. 都係有工作人員幫你ge.
我只係當場煎咗兩個.  但另外的番屋企自己煎番熱都一樣咁脆.

唔煎就當普通菜肉包law

第二款係學南瓜餅. 呢個好好味. 下次可以自己再整

師傅話用圓型的南瓜比較好. 長型的南瓜是很甜但不太香

蒸熟南瓜茸. 撈埋去d 粉都一齊搓. 就變成好靚的橙色皮.

再包入蓮茸.

再包成南瓜型. 綠色的是加了綠茶粉.
有很多同學很有心思. 整成粟米型或者兔仔

偷懶的話. 也可包好拍扁佢就得.  其實可以煎的
但時間關係. 又係蒸咗就算law

胡蘿蔔粟米海底椰湯(附食譜)

番屋企見到阿媽有個電煲湯煲. 可以較時間制. 又唔駛睇火. 又慳煤氣

幾百蚊又唔貴. 攪到我都想要一個

但都幾大舊下. 不過我又唔係成煲湯.......

但買咗又會唔會煲多d 呢???


海底椰潤肺止咳. 此湯滋潤解燥

但上網睇到又話呢d 係街市買到透明ge海底椰係冇功效同味道ga !!!

不過廿蚊六舊. 今次只係用咗三舊.  下次煲埋佢. 以後都唔再煲.

今次煲得好有火喉啦. hehe

材料:

胡蘿蔔          2支
粟米              2支
鮮海底椰      約150g (我下了三舊)
豬展              約240g

做法 :

1. 胡蘿蔔去皮切滾刀塊. 粟米切段. 洗淨. 備用

2. 海底椰去衣切片飛水. 洗淨備用. 豬展飛水備用

3. 將所有材料放入煲中. 加適量水煲至滾. 轉中小火煲2.5 小時至材料淋. 加鹽調味即可

鮮茄肉醬豆腐 (附食譜)

識我ge人都知我好少重覆煮d 餸

但今次我係煮完食咗第一啖. 發覺d 味咁熟ge. 先醒起原來之前已經整過

只係那排忙. 冇寫底咋. 哈哈

而家俾個機會補寫番. hehe

呢個豆腐其實又唔係太肉醬. 當佢番茄肉碎豆腐仲好.  唔好俾個字誤導咗

但味道都幾好呀. 清清地. 送飯都不錯

材料:

硬豆腐            1盒
免治豬肉        100g
細洋蔥            1個.切絲
番茄                2個.切角
蒜頭                2粒.剁碎

汁料

水                    半杯
茄汁                1湯匙
生抽                2茶匙
糖. 生粉          各1茶匙

做法 :

1. 豆腐切粗粒, 灑上少許鹽待片刻, 濾淨水分, 下鑊煎香. 豬肉加生抽. 生粉. 麻油和胡椒粉拌勻.

2. 燒熱油炒豬肉,加蒜茸炒香, 加洋蔥炒片刻.取出

3. 爆香蕃茄, 加豬肉煮成肉醬, 加豆腐拌勻煮片刻.

洋蔥叉燒炒蛋 (附食譜)

每次煮飯都希望煮不同的菜式. 就算只係家常小菜.

我未煮過就當係新野. HAHA

但有時朋友就話我D 餸太奇怪.  仲話只有我老公先肯食. 哈哈

其實味道都冇問題ga.

普通的炒蛋. 加了洋蔥和叉燒. 勁多料

加咗沙律醬炒. 但其實都食唔出ge

材料

洋蔥1個、叉燒片50克、蛋5隻、蔥粒1湯匙

調味料：

鹽1/2茶匙、白胡椒粉1茶匙、酒1茶匙、沙律醬1湯匙、雞粉1/2茶匙

做法

1.洋蔥切成丁粒備用。叉燒切粒備用。將蛋拂勻，加調味料再拂勻。

2.大火燒熱鑊加少少油，轉細火炒到洋蔥軟身，呈半透明狀，加叉燒兜勻。

3.然後加蛋液，一邊用鑊鏟推，炒到蛋半熟熄火，用餘溫將蛋煮熟！上碟後撒上粒即成。

一道非常家常的炒蛋，加了沙律醬去炒，令蛋液變得滑溜非常，滑不留口。

香煎鍋貼棠菜 (附食譜)

話說有一天很累. 諗住煮公仔麵當晚餐就算

回家途中. 仲特地去超市買咗包小棠菜諗住伴公仔麵吃

點知. 食緊先發現.....我忘記咗包菜!!!

所以. 第二日變身成為咗呢個餸

但我可能煎得唔夠耐. 唔係太香口呢.
定係多菜得滯呢. haha

材料 :

小棠菜             300g
雞蛋                 一隻
麵粉                 3湯匙

調味

雞粉                1茶匙
胡椒粉.麻油   各少許

做法 :

1. 小棠菜洗淨.以滾水略灼至軟身. 過冷河後搾乾水份 , 切碎. 備用

2. 大碗內放入雞蛋及調味料拌勻, 再灑入麵粉拌成粉漿. 最後加入小棠菜碎拌勻

3. 平底鑊放少許油以中火加熱. 倒入粉漿煎至兩面金黃. 最出切件即可

也可隨意加其他喜愛配料

梅汁蒸排骨 (附食譜)

我以前好鍾意食媽咪煮的酸梅排骨.

但自己整咗兩次. 又唔係話失敗. 但整極都冇媽咪整的味道......

第一次下了甜麵豉. 第二次跟了方太的下泰式雞醬.

個人覺得好似雞醬好味d . 但我唔太覺有酸梅味

朋友話可能我買的酸梅唔酸. 咁下次再去第二間買. 再試試

兩次都係買15蚊排骨. 點解第一張相少咁多. 唔通我俾人呃 ???

下泰式雞醬煮的

下麵豉醬煮的

《三步煮好餸》

材料:

軟骨肉排    約六兩
酸梅            2-3粒
泰式雞醬    2湯匙
蒜茸,薑茸   各一茶匙
蔥絲            少許

醃料 :

生抽             2茶匙
胡椒粉,生粉 少許

做法 :

1. 排骨洗淨, 放入醃料醃片刻

2. 酸梅去核後剁爛, 加入泰式雞醬, 薑茸及蒜茸拌勻, 放入排骨中再拌勻, 轉放碟中, 隔水蒸熟, 灑下蔥絲, 再蒸十分鐘即成

婚享~接新娘

當日接新娘. 我係房入面真係勁想睇呀.

係咁聽到出面D 笑聲. 但自己就得攝影師同我係房

部份遊戲係我諗的. 有D 就係表妹諗.

回味一下先

首先佢地係樓下已經係第一個games . 見面禮係有毛毛比堅尼著

so sexy

上到屋企佢地要練爆哂門口d 波波. 我係房入面聽到真係好似燒爆丈咁

之後就要做出指定動作. D pose 係我找的. 找咗好耐ga

第二個係問答遊戲. 老公好勁. 大部份都識答
不過可惜就算勁都係要罰

老公最憎食西班牙火腿. 我地今之仲加埋wasbi

第三個. 老公只係訓係地下. 口吔住蕉. 心口放綿花糖
要兄弟做掌上壓咁食.
好親密 =.=

聽聞因為心口有毛毛bar. 個兄弟要吹開d 毛毛先食到. 笑死人

最後一個games 係有點肉酸. 在膠片兩邊塗上沙律醬.

佢地找兩個人係度lam . 由於之後d 相兒童不宜. 唔放出黎la

最後讀埋個愛的宣言

俾埋封大利是姊妹 ( 不過居然有人唔記得咗拎. 漏咗係架車度law)

咁我就俾人接走咗la . 哈哈哈