蒜香欖菜蒸肉餅

呢一晚準備好去買餸. 先知老公有野做會夜d 反. 初初估計都係九點啫. 遲半粒鐘都ok 呀 點知8:45 打俾佢都仲未走得. 等到最後都係自己一個人食呢. (因為我已經好肚餓啦．而且又唔想咁夜食飯喎) 平時d 欖菜. 我多數用來炒豆角 原來蒸肉餅都好鬼惹味ga 老公夜d 反黎食. 都係咁讚呀 !!　見到佢鍾意食就開心啦　! 材料

免治豬肉 [剁碎豬肉] 170 克 [6 安士/4.5 兩]，馬蹄 2 粒 [切細粒]，芫荽及紅辣椒絲 灑面用 [隨意] 調味 醃料： 李錦記蒜蓉 1 茶匙，潮州橄欖菜 1 1/2 湯匙，李錦記舊庄特級蠔油 (唧唧樽) 1 湯匙，水 1 湯匙，粟粉 1 湯匙

製法

1. 免治豬肉及馬蹄與醃料拌勻，用大火蒸10分鐘或至熟，飾以芫荽碎及紅辣椒絲。