2007 書展

19/7和男朋友去咗書展.買咗好多本貓書呀!!真係大出血呢!!

咁啱呢一日有603和城珠的簽名會.攪到我超期待去今年ge書展呀!

中午12:30去到會展第一時間便去了泛華的攤位 掃了三本六合的貓書(佢地d書我齊哂ga)
繼而攞簽名籌.haha (第一次咁熱情做小粉絲)

當中包括三貓媽媽的《三貓blogblog齋》.城珠的《貓事日日新》和《 603的攝影生活》
而買書送貓貓poster,但居然仲有貓糧送喎!!超抵!
簽名時又送了她們親筆簽名的poster
真是

滿載而歸

之後繼續逛.去到正文社.見到《甜甜私房貓》(我成日都講咗甜貓私房菜)出咗第4期.平成5蚊呀!!當然又買la
還有同是湖南彼方的《貓貓克克》.
及一盒好靚的貓啤牌(成$40.其實都唔捨得買ga.但真係好好好靚呀!)

之後去到日光社.他們每年都會出一本貓書.(我又係年年都會買)
今年的是《yes貓貓,我會聽話我會乖》而且也買回遺失了的《南丫貓島 》(呢本我又成日話錯南丫島貓)
還買了一個貓腳板和魚骨 電話繩  (和榮榮一人一個)
呢檔又係送好多贈品呀!!~~有門掛和書簽 (好靚ga)

男友話我去書展攪到好似去貓展咁喎!!

之後我還買了幾本食譜
唔知大家有冇係yahoo blog度睇過panny 的蛋糕呢
今年佢都出咗本書.係明科文庫度買有七折.$55

跟住去了嘉出版.原本都冇話諗住要買d咩.
但又係平好多喎!!最攪笑係買有美極標誌的食譜.有禮物送.
係送一支美極.一樽雞粉仲有一支茄汁.
我買兩本所以送兩set. 但兩本書加埋都只係五十幾蚊咋
你地話係咪好抵呢!!
呀!!佢仲送咗一支裝涼茶.係咁熱ge 天氣.我地兩個已經即場解決咗佢la

今次書展差不多都只係我在買野.辛苦哂榮榮幫我做苦力
但買了咁多戰利品.真係好開心ga.