金沙蝦+ 椒鹽排骨

7月5日約咗carmen choi , alice .emily 仲有Ivy 去咗 怪師傅度學呢兩味 餸

alice平時都好少煮野.而emily 就更加係第一次添!!
初初都好担心佢地.但到後來, 受傷的反而是我.....

話說就係整金沙蝦的時候,見師傅 煎就好易囉!!. (呢個唔駛炸ga)

點知到自己煎時,因為手腳慢,d 蝦 勁彈油呀.攪到我地幾個不斷尖叫.直頭就係美女廚房咁呀 (咁我地又真係美女ge!!)

臨熄火.隻死人蝦仲要爆多一野,彈了幾大滴油去我隻手.仲有一滴去咗眼眉位置. 都有d 痛ga
不過好彩唔係彈入眼咋!!唔係就死緊la

攪到我受傷的金沙蝦 .好好味!! (食多你兩舊報仇呀!!)

至於椒鹽排骨. 係炒辣椒的時候真係勁 "攻"鼻呀!!
但係呢.我地又係全場最論盡那幾位. 顧得左手又唔顧得右手
師傅見我地呢幾個" 美女" 咁忙. 已經幫我地拎定 d 炸蒜茸. 但我都仲係唔知用邊隻手去" 畢" 好.
最後師傅冇咁好氣.替我灑了兩湯匙下鑊 

勁好鑊氣的椒鹽排骨


學咁耐野食.呢次都算最刺激.emily 同alice 都好似好開心咁
我地三個第二日的lunch 都係食同一樣餸.飯就由我供應...(算係幫我加快食哂d 米)

傷勢: 眼眉俾油彈到的地方,有點似一粒暗瘡.都冇咩事.
          但師傳怕我起水泡.俾咗d 野我噴.

攪到隻手好似彊屍