小油條毛毛菜

7月3日.
係n 咁多個月無煮過飯之下.今日重開飯煲.
成日都怕個米缸會有虫ga.因為實在太耐冇煮過了...

那天對媽媽說不回家吃飯.要自己煮
點知媽媽冷笑一聲,還說我放假又唔煮,番工先來煮!!
又問我煮什麼??  我說雞翼....  佢又"哼"一聲再話"又係雞翼呀??你唔悶ge 咩??"

真係俾媽咪激死.咁我d雞翼會煮唔同味ga ma.

不過之後都後悔冇返屋企食.因為遲咗收工.番到屋企已經七點九了.還要買餸.(好彩仲有餸買)
回家八點...以我的速度. 攪到九點幾先開飯... (但其實已經比平時快)

九點幾....勁餓

今次煮了小油條毛毛菜
小油條即是鮮腐竹,毛毛菜即是小棠菜苗,上海人也稱作雞毛菜,因菜如雞毛般大小

但街市得D好大棵的小棠菜.我想味道都應該差不多ge 啫!!

仲有香辣青檸雞翼
一番去溶雪後再用蒜茸、tabasco 、糖和魚露 醃
食的時候再點用 青檸汁、魚露、蒜茸、糖和指天椒 整成的醬汁. (都幾辣ga.但酸酸地又好開胃)