miss，我覺得你份工好得閒呀．日日都只係對住部電腦同叫下我地做野．真係舒服．
聽到之後．心有點嬲嬲地．但因為佢係細路仔．我冇同佢講咁多
俾人話覺得我份工得閒．都唔係第一次了....
最慘仲係要俾d 老師話.而且唔係對住我講,係對d學生講.話我個位好舒服.係圖書館度"嘟嘟"下就得, 之後同我熟的學生就話番俾我聽.替我不值
聽到呢d就勁嬲啦!!仲話係老師.
自己唔知人地做咩,就係度亂話人.我又唔係同你好熟.我要做什麼工作你又知幾多??你眼見我就"嘟嘟"下囉!!背後做幾多野你又見唔見到呀!!
我唔係一個鍾意高調的人．
唔似得ｄ人做完少少野又走去周圍話俾人聽做咗,仲係人地面前走來走去,死話好忙好忙.
慌死人地聽唔到.重覆n咁多次
我自己做完自己知就可以.件事做得好就ok .自己就開心
你估個圖書館d 書本本飲哂red blue送佢一對翼然後識全部飛上架?
個電腦又識得同本書say個 hi 就可以入哂資料?
班死野入黎係咪唔駛睇佢地違規?
仲有其他濕濕碎碎勁煩的程序 要唔要我列個list出黎貼哂全校board 呀!!
碧碧真心話:
係呀係呀,學校個個月出糧俾我,我每日番黎都係係度對住部電腦打機ga 咋.好玩到仲日日打到六點幾. 5點放工都唔捨得走呀.
執書又好玩喎!執到好似苦力咁.好爽ga.仲可以令我隻手有關節痛添!! 
勁正囉呢份工!!!
邊個叫衰話你得閒？叫佢上黎做呀笨﹗淨係識得睇人地，永遠唔理解人地真正做緊d咩，唔知就唔好亂講啦，令其他人誤會，又令學生誤會。批評人地既時候唔該睇清楚d先啦﹗
回覆刪除呢個老師都好唔得喎~ o係學生面前咁樣講野都得 教到d學生唔識尊重人呀
回覆刪除You're right, some people are like that. They're always the ones with the toughest jobs, the most to do, etc. But if they spend more of their time actually working instead of talking about how busy they are, I'm sure they'll be much less busy!
回覆刪除圖書飲Red Blue
回覆刪除我可以証實，碧碧做呢份工真係好辛苦架！你試下一邊入data，做admin，一邊仲要應付數之不盡既學生同老師唔同既要求吖！就好似一間舖頭得一個sale做嘢咁，諗都諗到有幾辛苦啦！
回覆刪除得閒講是非or 批評別人的人又有幾忙呢?? 不用理她/他吧!
回覆刪除同病相連，我同你都係一樣，成日俾d學生話得閒，成日俾d同事話得閒....唉......！
回覆刪除啞仔食黃蓮, 有苦自己知! 看來要報復至可以解決這個仇恨! 就連飲red blue都不可以解決!
回覆刪除