龍豬

前幾日諗咗d 低能野. 真係諗完自己都想笑.

之前都想為肚裡的bb 改個乳名. 唔駛成日都阿b 阿b. 咁會同我個麻甩b 表弟撈亂的


第一次係屯門醫院照超聲波. 見到bb 彎彎型的. 有想過叫彎彎

但又會諗係咪我睇唔清楚呀 !

跟住前幾日就想起. 咁我叫小豬碧碧ma.

阿b 就係龍年出世的小豬

簡稱..............." 龍豬"

hahaha . 真係好好笑. 老公都話我好低能

但有朋友都覺得幾好. 又有朋友話咁咪要生七個.......想嚇死人咩 !!


暫時都未知會係龍豬仔定龍豬女.

其實b 女叫"龍豬"都幾肉酸. 哈哈哈

穿珠迷你聖誕樹

12月份的MI CLUB 會員活動.

雖然過咗聖誕先記得寫. 但都係差一兩天啫. HEHE

其實MISS 逐步教都唔係好難穿. 但都攪咗成個幾鐘ga

材料包

先包銀色珠珠穿入扣針

再用一條銅綫一珠仔一扣針咁穿上

上下都穿好後就會成為樹腳

跟住就要穿四個環. 作為樹身. 但係我有d 都穿錯咗ga. 就咁睇唔覺. 但當拼埋就發現花紋有少少不一樣了. 哈哈

最後再加上燈胆. 就會組合成為呢棵迷你聖誕樹啦 !!

可惜. 回到家已經俾我整爛咗個閃燈燈啦 !

聖誕果子餅

早在7/11 已經去港燈家政中心上堂做好呢過果子餅. miss 話最少要放三個星期先可以享用.

因為要等D 酒味浸透.

不過我就等到聖誕先和同事一起分享 !

老公都有問過我係咪可以放咁耐. miss 話放室溫就ok .但我就放在係雪柜. 因為怕潮濕

材料. 勁多乾果 (一大碗)

其實做法都不難. 只是事前要把乾果用酒浸

出爐了

miss 的比較深色噃. 每人試食一舊仔. 我自己都幾鍾意陣味

不過有好多人唔鍾意乾果. 所以未必個個喜歡啊 !

襯著等焗的時間. miss 醒多一個曲奇食譜俾我地.

雖然只係普通牛油曲奇. 但真係好好味噃. 我忍不住吃了兩件呢 !

把果子餅這樣包著. 就可以送禮出去啦 !

下年聖誕唔知有冇心機再整呢 !

張智醫生

12月15日. BB 9wk 3d

唔計流啡. 今日第一次去私家度做產檢.  一發現有咗幾日. 就已經諗要book 醫生. search 咗一輪

最後費事煩. book 番朋友睇緊的張智.


等咗一個鐘左右 . 到我lu.

今次醫生俾我地聽下bb d 心跳. 真係好似火車行咁ga 喎. TA TA. TA. TA. TA. 咁聲

而且今次我見到心跳啦!! 呵呵. 好清楚呀 ! 我覺得唔係似閃閃下. 似一個咀仔係度郁郁下咁呢 !

仲睇到少少手仔同腳仔. 醫生話佢仲未發育完.

醫生話阿B 大得好好. 而家有2.7cm .

估唔到大得咁快呀.  十三日前係屯門醫院照先得1cm

bb 真係叻!

睇bb 真係好抽象. 要俾d 幻想力. 如果我冇記錯. 個圖應該係咁. haha

之後我詢問埋弓型虫的test. 佢話有分近期同遠期. 費用各$450

老公話買個安心. 兩個都做哂喎 !

如果冇抗體. 就唔可以再同貓貓咁親近. 同佢玩及摸下都冇問題. 但就唔可以再抱住佢訓同鍚鍚lu



不過係問醫生結構期時佢答得有點模糊. 佢話我唔駛咁早book .話就算診所full 咗
都可以係仁安(唔記得仁安定港安la ) 照. 收費都係千五. 如果係醫院照. 報告會send 番黎診所

但係我朋友睇開佢. 明明都book 唔到要反元朗照喎. 我咁問佢時. 佢又冇正面咁答我.

出去再問姑娘. 都係叫我係醫院照完oscar 先

咁唯有係咁先la.

豉椒鹹菜牛柳絲

試過上次榨菜蒸牛肉. 買咗廿蚊都唔夠食. (兩個要讓黎讓去) , 今次買夠30蚊 !!

今次夠食la !!

因為有少少野唔明.打去問阿媽. 佢問我煮咩餸. 我話咸酸菜炒牛肉law

佢即刻勁大反應. 煮d 咁好味ge餸. 你咪要食飯law (因為減肥. 佢建議我夜晚不要吃飯)

咁其實我都係食小半碗.

但佢重覆咁叫咗一陣. hahaha

材料  :

牛柳            6兩
豆豉            1 湯匙
鹹菜            2兩
指天椒        2隻
蒜, 薑,         各少許

調味 :

生粉　　　1茶匙
生抽            1茶匙
油                少許
蠔油            1茶匙
砂糖            1茶匙

做法 :

1. 豆豉剁碎,鹹菜洗淨切絲, 鹹菜需汆水

2. 牛肉洗淨切絲, 下生粉, 生抽, 油, 水拌勻. 起油鑊, 下牛肉炒至轉色後盛起

3. 於同一鑊下油, 爆香蒜, 豆豉, 指天椒, 再加入牛肉同炒. 下鹹菜. 最後用蠔油, 生粉.糖. 加水埋芡即可上碟

tips : 醃牛肉時加入少許水, 使牛肉更鬆化易咀嚼

荷爾蒙的錯

7 wk 開始. 我嘔出了我的第一次. 慶幸只嘔了兩三次. 其他時間都ok. 都幾好胃口. 最多只係食到大半就會頂住.

8 wk 開始. 心情開始出現影響

我咁燥底. 但我冇發脾氣. 番工對住學生我都幾好.

但唔知點解一放工就好累.

前排都仲好有興緻煮飯. 呢個星期就叫老公買咗餸. 我反到去居然要食飯盒.

好啦 ! 第二日諗住的起心肝煮. 但一放工諗到要煮飯. 我居然想cry.........

最後日日都出街食. 或者番阿媽度食



夜晚坐係梳化. 點樣坐. 點樣攤都唔舒服. 成日都周身唔聚財.


跟住阿媽又話手痛. 幫唔到我湊b.
第二朝反工係巴士度諗. 第時bb 俾邊個湊. 諗諗下又想cry.......

真係發神經

與一些媽媽傾開. 佢話呢D 唔係我的錯. 係荷爾蒙的錯 !!!!

這段孕期都要這樣嗎? 

唔怪得所有大肚婆都有皇后病了.........

黑椒爆豬頸肉

開始唔願諗要煮咩餸了. 有時求求其其都係蒸肉餅. 排骨

又或者再懶d 煮米粉. 炒意粉就算.

出街食又唔食食咩..........

煩!!

似乎煮得有點水了

材料 :

豬頸肉       200g (切薄片)
大蔥           100g (切後) (我冇落)
金菇           1包
蒜茸            2茶匙
黑胡椒碎    半茶匙

醃料 :
喼汁           2茶匙
生抽           2茶匙
糖及生粉   各1茶匙

芡汁 :
水               5湯匙
喼汁           1湯匙
生抽. 糖. 生粉       各1茶匙


做法 :
1. 豬頸肉下醃料醃10分鐘

2. 燒熱鍋, 下2湯匙油, 爆炒豬頸肉至八成熟, 取出

3. 燒1湯匙油, 爆香蒜茸及黑胡椒, 加豬頸肉, 大蔥及金菇兜勻. 埋芡即成

火腿粉絲炆節瓜

煮呢個餸真係有d白痴．話說我當時係下咗一包粉絲. 但又覺得好少咁

所以又落多包. 點知係粉絲太多la.......好似食面咁呀 !!!

同埋太多粉絲又索哂d 湯. 攪到好淡下law.

懶醒的後果

仲有喎! 好多時叫老公去買餸都買錯野ga .haha

因為我上次買一個節瓜. 我咪叫佢幫我買多個.

點知放工番黎見到係翠玉瓜. 佢話佢叫人地執俾佢. 咁佢冇望清楚的嗎. 笑死人 !!!

材料

史雲生清雞湯250毫升

三文治火腿(切條)2塊

乾粉絲(沖淨)1小包 (50克)

節瓜(切條)2個(500克)

薑2片

做法

• 1燒1湯匙油爆香薑片，加節瓜炒片刻，注入史雲生清雞湯煮至節瓜腍。
• 2乾粉絲沖淨，加入湯內煮至軟身。
• 3最後加火腿拌勻。

史雲生小貼士：乾粉絲不需預先浸軟，沖淨後可直接放湯內煮，可保持爽口。

閃閃

2/12/2011 阿b 今日7wk 4days

去咗屯門醫院照超聲波. 睇下有冇心跳就排期做oscar

好快就到我.

老公陪我一齊入去.

姑娘話見到心跳啦!! 但我唔識睇. 姑娘放大. 再用箭咀指住.

老公行前去睇. 我都係睇唔到.(只係睇到一個彎彎型)

姑娘話咁都睇唔到. 指住呢度喎. 跟住老公話睇到. 姑娘就收機lu........

姑娘仲話阿b size正常. 而家有 1cm大

oscar 排期去到5/1/2012 到時應該12週

上網睇. 個個都話見到閃閃好感動. 我就糊里糊塗咁就過咗

不過聽到姑娘話佢有心跳. size 正常. 我都好開心

15/12 自己再去私家check . 或者到時可以更清楚呢 !!

bb 你要加油啊 !!

沙嗲洋蔥薯仔炆雞翼

薯仔炆雞翼. 永遠都係家庭菜頭幾位.

今次跟史雲生食譜. 加咗沙嗲醬. 味道都不錯啊

但可惜煮的時候我忘了要較細火. 煮到中途居然乾哂水.

要加水去煮. 溝淡咗. 唔係應該更好味呢 !

材料

史雲生清雞湯250毫升

雞中翼8隻

細洋蔥(切角)1個

薯仔(切角)2個

紅辣椒(切片)1隻

蔥(切段)1條

沙嗲醬2湯匙

糖½茶匙

生粉水埋芡適量

做法

• 1雞翼用少許麻油及胡椒粉拌勻 。
• 2燒2湯匙油， 把雞翼煎至微黃色，加洋蔥，薯仔，紅辣椒 蔥及沙嗲醬兜勻，注入史雲生清雞湯，加½茶匙糖，改用中慢火蓋好炆20-25分鐘。
• 3雞翼及薯仔炆熟後拌入適量生粉水埋芡。

史雲生小貼士：雞翼解凍後用少許麻油及胡椒粉醃可辟除 ‘雪味’。

椒鹽煎雞翼

因為雞翼份量多咗. 我咪將醃料都加番. (下次唔駛加倍....)

點知咸咗少少. 如果送飯都ok

唔送飯變得是有點太咸了

而家老公轉咗工. 呢期佢都可以陪我一齊買餸. 或者買定餸回來 (我order . haha)

希望咁樣可以慳到時間. 可以快d 開飯啦 !

《百變雞翼cook 得起》

材料 :
雞中翼     8隻
乾蔥         2粒(切碎)

醃料 :
椒鹽　　1湯匙
雞粉        1/4茶匙
胡椒粉    少許

做法 :

1. 先將雞中翼洗淨, 抹乾, 以醃料拌勻醃15分鐘

2. 燒熱1湯匙油, 下乾蔥碎以慢火爆香, 加入雞中翼以慢火煎至金黃熟透. 盛起. 上碟

煙肉芝士焗蠔

係吉之島見到呢隻急凍半殼蠔. 平時都好少見.

$39.9  有十隻咁上下. 都ok 抵食.

就買番黎試下.

開頭睇食譜. 有隻芥辣焗蠔. whatapps 俾老公. 佢話聽到都唔開胃. hahaha

咁唯有試番d 正常野

呢個煙肉芝士蠔都幾好味. 可惜我焗到燶咗 少少

跟Bonnie Yves食譜

材料:
生蠔 4隻
煙肉 2塊
麫包糠 少許
芝士碎 少許
黑椒 少許
海鹽 少許

1) 將生蠔洗淨.
2) 炒香煙肉.
3) 先晒上鹽及黑椒, 再鋪上麫包糠, 煙肉 及芝士碎.
4) 220度焗15分鐘或至金黃.

YvesTips!
* 炒煙肉時不用落油, 因煙肉會出油.

星洲炒米

日日放工煮飯. 有時真係好累.

但唔煮又唔知食咩好.  成日出街食又貴喎 !

唯有有時煮下d 粉麵當簡單d 又好. 有d 變化都好啦 !

今次選擇咗星洲炒米. 買咗15蚊叉燒. 都係得半碗仔........(勁貴)

味道ok. 不過我覺得可以再辣d .

材料：

米粉……………….……………….約半斤

蝦仁……………..…………………適量

叉燒(切絲)…….……………….….適量

蛋(煎熟切絲)……………………...1隻

洋蔥(切絲)…………………………半個

青、紅椒(切絲)…………………...適量 (我冇落)

銀芽………………………………..適量

韭黃………………………………..適量 (我冇落)

蒜茸………………………………..少許

 

調味料：

咖喱粉……………………………..適量(約1-2茶匙)

黃薑粉……………………………..適量(約1茶匙) (我冇落)

鹽………………………………..…少許

醬油………………………………..少許

 

做法：

1.      米粉用滾水灼好，過冷水後瀝乾水分。

2.      蝦仁洗淨吸乾水分，用少許生粉及胡椒粉拌勻放雪櫃備用。

3.      熱鍋爆炒蒜茸，加入咖喱粉及黃薑粉，炒至透出香氣，下蝦仁、叉燒、洋蔥、青紅椒、銀芽及米粉炒透，最後下韭黃，加調味炒勻上碟。

 

Tips

米粉應選用炒米粉，不要灼太熟，不然炒出來會黏成一塊。

粟米龍脷柳

第一次煮魚柳 . 原來都ok 好味噃 煮咗一大兜粟米汁. 老公仲話好味過係街吃的粟米班塊, 呢期煮飯老公都大讚有進步. hehe 我自己都好鍾意 ! 下次再買黎試下第二d 煮法先 材料

龍脷柳 230克 蛋（打爛） 1隻 生粉 1杯 忌廉粟米 1/2罐 水 1/2杯 雞粉 1/4茶匙 蛋白 1隻

製法

1. 龍婣柳洗淨抹乾，切件，加入調味料，醃約5分鐘，拌入蛋汁，沾上生粉。 2. 魚塊放入滾油內炸至金黃，取出隔油。 (我冇炸啦. 煎都好脆. 仲唔洗整兩次) 3. 忌廉粟米與水及雞粉同燒滾，拌入生粉水埋芡，翻滾，拌入蛋白。 4. 放入魚塊再炸至香脆，取出上碟。 5. 粟米汁淋魚塊面，便可食用。

調味

鹽 3/4茶匙 胡椒粉 適量 麻油 適量 埋芡 生粉 1湯匙 水 2湯匙

蒜香豉油雞

呢個雞真係超方便又好好味 就咁醃咗佢. 再用鍚紙包住扔入焗爐就可以. 出來味道仲非常濃郁. 老公讚不絕口. 過咗兩日都仲係度提緊呢味餸. 哈哈 不過由於我唔識斬雞的關係. 我都係去惠康買d 已經斬咗ge. 都幾方便. 啱哂我呢d 唔識斬雞的人. 唔係我就只可以煮雞扒同雞翼. haha 材料

雞 1/2 隻 或 春雞 1 隻 [斬件] 薑 8 片 蔥 4 條 [切段] 李錦記蒜蓉 2 湯匙

製法

1. 雞件醃15分鐘。 2. 將蒜蓉、薑、蔥與雞件拌勻。 3. 用錫紙包好雞件，蒸或焗[攝氐230度或華氐450度]約15分鐘或至熟。 (15分鐘不夠la. 我覺得要25-30分鐘才熟)

調味

醃料： 李錦記豉油雞汁 3 湯匙，李錦記舊庄特級蠔油 2 湯匙，糖 1/2 茶匙，粟粉 1茶匙

咕嚕雞塊

原本個食譜係話把雞塊切成1cm 丁狀. 1cm !!!!!!

我要切到幾時呀 ! 都傻傻地. 最後我亂咁切成一塊塊就算.

不過d 雞扒. 硬係會有少少雪味咁.......係咪我醃得唔夠呢 ?

材料 :
雞脾肉     150g
青椒        半個 (切塊)
菠蘿        一片 (切粒)
蒜頭        一粒 (拍碎)
洋蔥        1/4個 (切塊)
生粉水     適量

醃料 :
薑汁, 酒  各2茶匙
生粉        適量

(我自己懶整薑汁. 所以只係求其下d 胡椒粉. 雞粉去醃咋)

汁料 :
上湯　　半杯
砂糖　　2湯匙
鹽          少許
生抽       1湯匙
白醋       1.5湯匙
茄膏       半湯匙

做法 :
1. 雞脾肉去皮, 洗淨吸乾水, 切成約1吋的丁方狀, 加醃料醃30分鐘, 放入熱油中炸3分鐘 (我都係煎熟ga 咋)

2. 燒熱油, 爆香蒜頭, 加入洋蔥及青椒炒香, 加入己拌勻汁料煮1分鐘, 加生粉水埋獻, 放入雞丁和菠蘿炒勻, 上碟

魚滑煮娃娃菜

睇方太呢本舊作叫三十元開飯. 而家d 野貴咗咁多. 係咪真係仲可以三十蚊就開到飯 ???

定係要改三十蚊一餸 ?? haha

不過呢碟餸. 我都係買咗16蚊材料啫.

魚肉都幾彈的. 有點似魚肉湯的味道

《三十元開飯》

材料 :
娃娃菜       2棵
鯪魚肉       2兩
蝦米           半湯匙 (我冇落)
蔥粒           少許

調味料 :
鹽. 生抽     各少許

做法 :

1. 娃娃菜洗淨後切成塊狀, 蝦米浸軟剁碎, 加入鯪魚肉中,並加入生粉, 胡椒粉, 鹽. 蔥粒各少許攪勻. (我自己再加咗少少麻油)

2. 將上項鯪魚肉用茶匙逐少刮放入煮滾的清水中至熟, 撈出, 瀝去水份, 待用

3. 燒熱油, 將娃娃菜放入爆炒, 放入調味及適量水份, 煮至菜淋, 加入已熟的鯪魚肉煮勻, 用少許生粉水埋芡即可

tips : 鯪魚肉可加入蛋汁少許, 會變得較軟, 想要彈牙一點則不需加蛋汁

流啡

11月18日. BB 5wk 4d


係14號晚同17號朝. 尿尿時都見到有兩滴啡色or 粉紅色.

雖然之後都冇再見到. 但為咗安心. 都係今日 18/11 去睇咗醫生


因為急. 所以去咗元朗睇楊立和. 有blog 友介紹. 而且佢可以walkin 入去睇. 唔駛等
另一位醫生. 佢話最快要去到24號先有得睇呢........


姑娘很好人. 登 記時已告訴我得5wks 未必見到bb. 咁我就問. 唔通由佢流. 佢又話唔係.驚我睇唔到失望啫!

因為週數少. 所以照陰超. 醫生話有少少啡色啦 ! 但都唔駛太緊張ge

係超聲波上. 因為太細. 所以只係見到胎囊. 醫生話入面有一點就係bb 啦. 我同老公.係咁問. 呢點 ? 呢點 ? 醫生都話唔係.......

所以都唔知邊點. 哈哈 !

今日係5w 4 d . 但張相有個位寫住4w 1d (係咪阿b 個大細呢 ? ) 咁咪細咗law......

不過醫生又話唔關事......





因為只係得數滴啡. 所以又唔駛太緊張. 休息多點. 唔好太操勞便可

開咗一個星期荷爾蒙安胎藥同三日病假......

咁就多謝$950 啦 !!! 好拿利!!!! 肉赤死

唔該阿b 你乖乖地. 坐定定. 唔好再嚇我同要我破財啦 !

阿b第一張沙龍就係得個黑影．　haha

Marie做型朱古力芝士蛋糕

朋友仔下的order. 話想要marie .....我都鍾意marie 的呢!!

同埋佢唔要cream cake. 咁仲好. 芝士餅仲方便.

整完個marie 之後. 其實我發現我填錯色. haha. 不過其實都唔係太覺ge.

餡:

Cream Cheese - 250g (30元有500g)

糖 - 80g

甜忌廉 - 160ml (30元有1L)

中SIZE全蛋 - 2隻

可可粉 - 4湯匙(20G左右) 50元有一大罐

檸檬汁 - 少許



餅底:

OREO 餅 - 100G (無餡) (7元有一筒, 不過建議在材料店有賣淨OREO餅乾)

牛油 - 50G (14元有200G)

1. 把 餅碎和牛油溶液混合. 鋪在模上壓成餅底

2.之後我們先把芝士放入微波爐用低火叮1分鐘左右 , 目的想把她叮軟....之後搞一會兒後 分幾次放入糖

3.倒入糖後的芝士應該會更軟身, 分幾次放入可可粉

4.幾次倒入混合好的全蛋液...(如想香一點可以放入檸檬汁) , 期間把爐預熱180度底+面火


5.最後分次倒入忌廉就完成...


6.倒入OREO模中...之後底包上錫紙和微波爐用保鮮紙, 以180度底+面火, 盤座水焗45MIN !

上海炒麵

上海灘之夜最後一味便是上海粗炒. 當然我地有蒸幾隻小籠包加餸. haha

其實呢個味道挺好的.

就衰在........我沒把麵條煮淋. 應該要在水中煮耐多一點時間. 我太快便離鍋.

中間是有點所謂生骨了. 

材料(二人分量)：上海拉麵300克、瘦肉160克、白菜苗(或椰菜)200克

瘦肉調味料：生抽1茶匙、糖1/2茶匙、粟粉1茶匙、麻油1/2茶匙

麵調味料：生抽3/4湯匙、老抽1.5湯匙、糖1/2茶匙、熟油1湯匙

 

1. 瘦肉洗淨吸乾水分，切絲後調味；白菜苗洗淨切粗絲待用。

2. 上海麵放入沸水中煮約2至3分鐘，盛起過冷河後瀝乾水分，拌入調味料。

3. 燒熱2湯匙油，瘦肉炒至轉色，加入白菜絲及3湯匙水再炒，待白菜軟身(連汁)盛起。

4. 燒熱鑊放入麵，加菜汁炒麵至熱，再加入已煮好的肉絲及白菜炒勻即成。

備註：若用乾麵條的話只需200克，放入沸水煮約5分鐘後撈起，切勿過久，以免失去口感。由於麵已加調味及油撈過，煮麵只需下菜汁，不必再加食油炒。若用豆腐乾或素肉絲取代肉絲，則適合素食者。

上海酸辣湯

上海灘之夜最成功就是這個酸辣湯. 真係和街的好相似.

我自己就再加多咗豬皮. 同埋舊豆腐唔係一半而係成舊( 費事side) 所以都加多咗水.

但都係太多料la. haha

原來酸辣湯的辣係由豆辨醬而黎. 所以酸辣都可以自己再調較

呢個煮法好 簡單. 又好好味. 我自己好滿意 !!

材料：(2至3人用)

冬筍 (罐頭) 60克、雲耳2至4 隻 (30克) 、冬菇3隻、硬豆腐1/2片、瘦肉70克、雞蛋1隻、芫荽少許

瘦肉調味：

鹽1/2茶匙、糖1/2 茶匙、生抽1/2 茶匙、油1茶匙

湯底調味：

上湯500毫升、水250毫升、辣麵醬3湯匙、鎮江醋3湯匙、老抽1湯匙、鹽1至1/2茶匙、糖1茶匙、麻油2茶匙

粟粉芡：粟粉3湯匙(用3湯匙水開成粟粉水)

做法 :

1.將冬菇、雲耳洗淨浸軟後切絲；冬筍、硬豆腐切絲。

2.瘦肉切幼絲，放入調味。雞蛋打散。

3.在易潔煲內 (可不用放油) 將肉絲炒香後放入冬菇、雲耳、冬筍、硬豆腐略炒後，加入上湯。

4.湯煮滾後慢慢加入蛋漿造成蛋花。

5.放入其他湯底調味，最後加入粟粉芡及芫荽作裝飾即成。

排期+oscar 講座

11月14日. BB 5wk 0d


上星期二(8/11)取了半天假去天水圍健康院排期. 聽朋友講拎咗好多証明文件

但最後原來只要身份証和醫生紙. 其他咩住址証明. 結婚証書. 下次先要.


等咗一陣. 姑娘就俾咗一d 資料同文件我

要我係14/11 去屯門醫院聽oscar 講座

同埋3/1 去健康院檢查


今日(14/11) 老公陪我去了聽講座. 姑娘話聽完講座後有得照超聲波. (個講座其實只係睇十分鐘片) 但要7 wks 先有得照

其實我都知我咁早發現冇得見阿b住啦　！　但都係要坐咗個幾鐘先到我．　

姑娘計今日阿ｂ　剛好 5wks0 days

要再約到2/12 先去照 !

到時就係第一次見到你. 應該有7 wks 多了. 唔知睇到心跳未呢 ?

你到時記得要唱首一閃一閃小星星俾媽咪聽. 當賀聖誕噃. hehe

麻醬海蜇粉皮

開頭找咗兩間凍肉店. 都找不到即食海蜇. 朋友叫我到雜貨店問一問. 點知得自己回家再發的那一種

我未有呢個層次啦  !

最後買到la, 但居然又找不到粉皮. 來來回回去街市與超市之間. 行咗成四次.

不過我覺得呢隻粉皮唔夠以前我係大昌買.放係雪柜那種好食

今次買呢種係乾的. 要自己浸軟.

我覺得有點點硬啦. 而且是不可以隔夜再吃. .....因為即食都ok. .再雪已經好硬了....

不過呢個汁係好好味的

材料 :

粉皮　　　　1包
即食海蜇      2包
蔥絲             適量

醬汁 :
芝麻醬         2湯匙
花生醬         2湯匙
鎮江醋         2湯匙
麻油            1湯匙
糖               1湯匙
生抽            2湯匙
蒜茸            1茶匙
薑茸            1茶匙

做法 :

1. 粉皮切絲, 放入沸水中略灼. 瀝水備用
2. 海蜇放入沸水中, 立即撈起, 浸冰水後. 瀝水待用
3. 粉皮鋪放碟內, 放上海蜇, 混合醬汁材料, 淋在海蜇上, 飾以蔥絲, 吃時拌勻. 即可

tips :海蜇不宜灼過久，　宜一灼即撈起．　如喜愛多些層次，　可加入雞絲及

上海素雞

呢餐我整咗個上海灘之夜. 其實都係得幾樣野食咁大把. haha

同blog 友仔傾開. 佢居然講笑問我係咪著旗袍出場. 迎合番我個上海灘之夜. 真係笑到我肚痛

第一碟係上海素雞. 跟may 姐的食譜

不過太大陣肉桂味啦. 我馬馬地la.  但同老公都食咗半碟以上ge

下次都係就咁撈麻油算la

材料（4人份）

素雞（洗淨、抹乾） 2件

八角 1粒

肉桂條 1條

月桂葉 2片

生抽 1湯匙

雞粉 1/2茶匙

水 2杯

油 2湯匙

冰糖 1湯匙

做法

01.素雞打斜切成1/4吋厚。

02.燒熱鑊下油，油熱後下素雞煎至淡金黃色，盛起待用。

03.水連八角、肉桂、月桂葉放小煲煲滾，加入素雞件，中火煲20分鐘。

04.下冰糖、生抽、雞粉，慢慢炆20分鐘至糖完全溶化。待涼後置雪櫃，食前才取出。

TIPS

‧如果你非常趕時間，不能照這個方法做，你可以買素雞回來，拌少許麻油當前菜食，不過味道當然完全不同。

冬菇肉粒燴西蘭花

唔知係咪我浸冬菇浸得耐. 定係d 冬菇唔靚.

我覺得有咩冬菇味ge. 整個餸都有點淡

今次買咗兩棵西蘭花. 我覺得係有點多la. 都吃不完

下次都係唔攪咁多. 炒其他菜算la

材料 :
西蘭花         1棵
乾冬菇         6隻
瘦肉            80g
蒜茸            2粒
上湯            1/4杯

醃料 :
生抽           1.5湯匙
糖              半湯匙
胡椒粉        少許
生粉           2茶匙
麻油           少許

做法 :
1. 乾冬菇洗淨, 加入暖水蓋好放置20分鐘待軟, 搾乾水後切粒, 浸冬菇水留用

2. 西蘭花切成小朵, 放大碗內注入清水至蓋面, 拌入1茶匙幼鹽, 放置15分鐘, 沖淨後以滾水略灼, 過冷河備用

3. 瘦肉切幼粒, 拌入醃料備用

4. 鑊內放入2茶匙油及蒜茸, 以中溫爆香蒜茸, 加入瘦肉粒, 冬菇粒略炒, 傾入西蘭花炒勻後放入上湯及浸冬菇水煮至滾, 加蓋略煮即可

tips :浸冬菇必須加蓋以免香氣流失
　　西蘭花必須出水以去除草青味

可樂雞翼

我記得係好耐以前. 我剛好煮野食的時候. 我都有煮過可樂雞翼.係一班女孩子的X'MAS PARTY

可能我煮得太慢. 朋友搶咗黎煮. 我一路讀D 情序俾佢聽.

佢叫我收聲. 唔好嘈. HAHA

今次自己再煮. 已經係成功人仕. 味道VERY GOOD 啦 !

老公只係汁都送到飯. 咁下次唔駛煮咁多雞翼LA. HAHA

材料 :
雞中翼        6隻
蒜頭           1粒 (略拍)
紹酒           少 許

汁料 :
可樂　　　 1罐
生抽           半杯
冰糖           40g
八角           3粒
薑              2片 (略拍)

做法 :

1. 雞翼洗淨, 以吸水紙吸乾水份, 汁料拌勻 , 煮滾, 以慢火煮約10分鐘至汁料出味

2. 燒熱1湯匙油, 爆香蒜頭, 將雞翼兩面煎至略帶金黃, 灒酒

3. 將 雞翼轉放入汁料中煮10分鐘, 蓋上, 熄火, 浸15分鐘便可

tips : 煎雞翼時灒酒, 汁料加入薑.有助辟除雪味

蔥燒廣島蠔

之前係吉之島買咗包廣島蠔. 好似15x 一包. 但我地兩公婆. 其實都可以食成三餐ga la.

每次都係8-10粒度

呢個蠔真係好好味. 個汁超正

老公都勁讚 !! 原本我諗住食三隻. 留多d 俾佢ga.但最後都忍不住偷食多件呢. 哈哈

材料：急凍廣島蠔肉300克、薑4片、京蔥1枝(切段)、幼蔥1棵、生粉少許

調味：

海鮮醬1湯匙、酒1湯匙

 

1.蠔肉解凍，清洗乾淨。

2.放入一鍋沸水內，下幼蔥及２片薑同煮1至2分鐘，即取出。

3.瀝乾蠔肉，兩面拍上生粉，放鍋中以半煎炸方式煎至兩面金黃，盛起。

4.餘油倒去，再燒熱鍋，下薑片及京蔥爆香，加調味。

5.蠔肉回鍋，拌炒至材料熟透，即成。

蒜香欖菜蒸肉餅

呢一晚準備好去買餸. 先知老公有野做會夜d 反. 初初估計都係九點啫. 遲半粒鐘都ok 呀 點知8:45 打俾佢都仲未走得. 等到最後都係自己一個人食呢. (因為我已經好肚餓啦．而且又唔想咁夜食飯喎) 平時d 欖菜. 我多數用來炒豆角 原來蒸肉餅都好鬼惹味ga 老公夜d 反黎食. 都係咁讚呀 !!　見到佢鍾意食就開心啦　! 材料

免治豬肉 [剁碎豬肉] 170 克 [6 安士/4.5 兩]，馬蹄 2 粒 [切細粒]，芫荽及紅辣椒絲 灑面用 [隨意] 調味 醃料： 李錦記蒜蓉 1 茶匙，潮州橄欖菜 1 1/2 湯匙，李錦記舊庄特級蠔油 (唧唧樽) 1 湯匙，水 1 湯匙，粟粉 1 湯匙

製法

1. 免治豬肉及馬蹄與醃料拌勻，用大火蒸10分鐘或至熟，飾以芫荽碎及紅辣椒絲。

中大獎

話說我好鍾意玩抽獎遊戲. 仲成日都抽中. 今次終於中到份特大獎啦!! 哈哈



想要bb 已經一段時間. 由3月結婚之後一直都沒有避孕. 但亦都冇理

直至八月一次誤以為有咗. 很失望. 之後便開始真正的計劃

做了很多功夫

有計算排卵期la. 驗紅D . 吃葉酸. 煮好野俾老公食啦. 自己飲下花膠湯啦. 咩都有做下

頭兩個月見到M 都超唔開心. 有時直情發老公脾氣. HAHA




今個CYCLE. day 1 係10/10 , 23/10就見到有深粗. 前後都有努力.

而係呢個星期星期.(1/11開始)已經勁有想黎M 的FEEL. 個胸係呢個星期好漲. 有少少痛. 但又唔係話好痛ge

咁都有諗. 會唔會今次有呢 ? 但上兩個月唔ok .心裡面都係打定輸數. 免得自己空歡喜一場

5/11 (day 27) 朝早起身 . 心血來潮. 都係忍唔住想驗一下　（正常應該9/11先黎m ge)

平時我都會睇住佢. 今次因為都預咗冇. 反而仲去扔垃圾呀. 換衫呀咁. 再反去廁所睇. 好似有條淺線喎 !

即刻叫醒老公睇. 佢都即時醒一醒. 話好明顯有線.

跟住我就再去買支cb試下．　

不過就拖到下午先驗. 等咗3分鐘. 顯示到我有2-3weeks 啦!!

好開心!!! (不過又冇想像中咁興奮)

老公即刻反黎陪我睇醫生. 仲拎埋醫生紙.下星期就可以去排期lu

預產期 係 17-7-2012 是一個夏天的小寶寶呢 !


成日諗住唔成功之下發現咗你 ^^ . 終於輪到我做人媽咪啦 !! yeah !!

要乖乖成長啊 !

係醫生度check 完. 攞咗醫生紙. 俾咗$210 就係拎呢堆野回家

銀芽肉絲蛋花湯

呢個湯的成本只係九蚊雞咋. 真係好平. hehe

銀芽2蚊. 雞蛋一隻當夠佢兩蚊. 5蚊瘦肉 (當然就咁買. 人地唔會賣俾你. 我呢餐仲有肉餅. 加埋一齊買就冇問題)

平平地都叫有啖湯飲下呀 !  抵 !

材料:

銀芽           100g
瘦肉           120g
雞蛋           1隻(打勻)
薑               2片

醃料 :

生抽         1茶匙
糖             1/3 茶匙
粟粉         1茶匙

做法 :

1. 瘦肉洗淨, 抺乾水份, 切絲.加醃料醃15分鐘, 備用
2. 銀芽洗淨, 瀝乾水份, 燒熱少許油, 爆香薑1片下銀芽略爆炒, 盛起, 備用
3. 煮滾適量清水, 放入薑1片及肉絲滾5分鐘. 再放入銀芽, 待再度滾起, 熄火加入蛋液攪勻. 適量鹽調味

蒜香豬扒

我覺得呢個豬扒好有媽媽味道呢. 和我媽整的味道都相似.

不過佢煮得淋d . 可以我剁得唔夠........

而每晚坐係梳化睇食譜諗下第二日煮咩好. 已經成為我的新節目啦 !

其實寫blog 也是我煮新餸的原動力呢 !! 哈哈 !

唔係邊有野食. kakaka

《俩口子住家菜》

材料 :
無骨豬扒   6-8塊 (開半)

醃料 :

老抽         半茶匙
生抽         1茶匙
蒜茸         2湯匙
乾蔥茸      1湯匙
鹽             半茶匙
糖             半茶匙
油             1茶匙
生粉          1茶匙
水             1/4量杯

做法 :
1. 豬扒兩面用刀背均勻地拍鬆, 下醃料醃15分鐘
2. 大火下油約1湯匙起鑊, 下豬扒煎至兩面金黃色, 注入熱水半杯, 加蓋焗至水分乾透 (約3-5分鐘) .上碟即可

煙肉法芥炒四季豆

之前用剩咗包煙肉. 諗住清埋佢.

找食譜見到呢個中西合壁煮法. 又幾得意喎

雖然寫話法芥. 但買唔到. 只係用咗英式芥辣. 不過我估味道應該冇咩分別ga

煮完出黎都係食到少少味ga 咋.

材料 :
四季豆　　　　300g
煙肉                3片
洋蔥                1/4個 (我唔記得咗落)

調味料 :

鹽及胡椒　　　適量
白酒                2湯匙
法國芥末          2茶匙

做法 :

1. 四季豆摘蒂去筋, 切成小段, 煙肉切碎, 洋蔥切幼絲備用
2. 四季豆先飛水過冷河瀝乾
3. 鑊中放2茶匙油及煙肉碎以中火爆香洋蔥絲, 放入四季豆轉高溫爆炒數下, 快手拌入調味料炒至乾身即可

沙嗲果仁炒魚條

話說買魚肉時發生咗個笑話

d 魚肉已經由七蚊四兩去到八蚊. 但唔緊要. 因為我買好少

咁我就同老闆講要八蚊啦.

咁佢就話 : 咁少 , 夠食ga la. 我就話 : 我地兩個人食咋. 夠ga la

跟住佢 : 哦. 原來係你一啖我一啖咁. 真係恩愛ge啫 !!

真係聽到我滴哂汗.......

《不辣不吃》

材料 :
攪碎魚肉　　　　160g
蒜頭                    1粒 (切片)
沙嗲醬                 2湯匙
西芹                    160g
紅椒                    1隻(切塊)
甘筍花                 8片
炸脆腰果             80g

醃料 :

鹽　　　　　1/2茶匙
醬油             1茶匙
生粉             1茶匙
麻油             少許
胡椒粉           少許

調味料 :

醬油             1茶匙
蠔油             1茶匙
糖                半茶匙
麻油             少許
胡椒粉          少許
生粉             1茶匙
水                 5湯匙

做法 :
1. 把魚肉加醃料, 攪打至起膠, 用油煎成魚餅, 待涼後 ,切條備用

2. 燒熱油鑊, 把蒜片和沙嗲醬炒香, 倒下所有蔬菜炒熟, 將魚條回鑊, 下調味料, 煮沸, 最後加入腰果, 炒勻上碟

照燒雞扒

印象中好似係第二次買味醂 .
上次都係用得一兩次就扔咗. 而家多咗煮飯. 一定要唔好side 野先得呀

原來照燒汁就係醬油. 糖同味醂溝成

老公好鍾意呢個汁. 佢話塊雞扒好好味.

我自己呢..... 塊皮就好好味ge. 舊肉就啖咗d. 但到我打食譜時先發現

人地話兩面都要塗上汁. 但我只係塗咗係雞皮那邊law. 咁唔怪得舊肉冇味啦..........

材料 :

雞脾肉或雞胸　　　2件

醃料 :
薑汁                       1茶匙
酒                          2茶匙
醬油                       2茶匙
生粉                       少許

燒汁料 :
酒                1湯匙
砂糖             1湯匙
醬油             3湯匙
味醂             50ml

做法 :
1. 雞肉洗淨, 以吸水紙吸乾水份, 用叉在雞上刺上適量小洞, 加醃料拌勻, 醃15分鐘

2. 預熱焗爐, 雞脾肉(皮向上)放燒烤架上, 以200 焗至雞肉轉為白色

3. 於雞脾肉兩面塗上預先拌勻的燒汁, 再焗3分鐘, 重複以上部驟, 焗至雞脾完全上色及金黃便可

tips : 雞脾入爐前, 可撲上一層薄生粉才焗, 可避免彈油及更香口, 啫辣的可撒上七味粉

萬聖節鬼眼蛋糕

26/10 去咗港燈家政中心學呢個蛋糕

這個是我的作品. 都有點驚嚇吧 ! HAHA. 有八隻眼睛望著你

個蛋糕底係牛油蛋糕 黎. 加上朱古力粒和果仁. 好好咬

焗好後. 蛋糕面塗上芝麻醬. 有呢隻啫啫樽又幾方便喎! 唔駛抆出黎

跟住就係裝飾啦 !
所謂鬼眼. 其實就是荔枝. 橄欖和色素. HAHA

這是老師的作品. 圍咗條絲帶. 成個蛋糕即刻高級咗 !!!

呢個係和我同行一齊去的MISS. 她的作品.
佢玩完都話